Dieta e supës me lakër është një dietë afatshkurtër për humbje peshe.
Siç nënkupton edhe emri, ajo përfshin ngrënien e sasive të mëdha të supës me lakër.
Përkrahësit e dietës thonë se ajo mund t’ju ndihmojë të humbni deri në 4.5 kg në një javë, por shumë ekspertë shëndetësorë paralajmërojnë se dieta është e pashëndetshme dhe rezultatet e saj, janw të paqëndrueshme.
Cila është dieta e supës me lakër?
Dieta me supë me lakër është një dietë e shpejtë për humbje peshe. Përkrahësit e saj pohojnë se shtatë ditë në dietë mund të çojnë në humbje peshe deri në 4.5 kg.
Dieta funksionon saktësisht siç nënkupton emri i saj – për një javë, ju nuk hani pothuajse asgjë përveç supës me lakër të bërë në shtëpi. Çdo ditë, mund të hani edhe 1–2 ushqime të tjera, si qumësht i skremuar, fruta ose perime.
Dieta synohet të zgjasë jo më shumë se shtatë ditë me qëllim të dobësimit ose fillimit të një plani diete afatgjatë.
Dieta e supës së lakrës njihet edhe me emra të tjerë, si “Dieta e Spitalit të Zemrës së Shenjtë” ose “Dieta e Klinikës Mayo”, gjoja sepse është zhvilluar në një spital për humbje të shpejtë të peshës para operacionit për pacientët e zemrës.
Por spitalet e implikuara i kanë mohuar këto pretendime.
Askush nuk e di saktësisht se nga e ka origjinën kjo dietë unike, megjithëse për herë të parë fitoi popullaritet gjatë viteve 1980 dhe ka mbetur që atëherë.
Përbërësit:
2 qepë të mëdha
2 speca jeshil
2 kg me domate
1 tufë selino
1 kokë lakër
3 karota
1 pako me kërpudha
6–8 gota ujë ose koktej perimesh
Udhëzime:
Pritini të gjitha perimet në kube.
Në një tenxhere të madhe, kaurdisni qepët në një sasi të vogël vaji.
Më pas shtoni perimet e mbetura dhe mbulojeni me ujë ose koktej perimesh dhe shtoni erëza të tjera sipas dëshirës.
Lëreni të vlojë, më pas zvogëloni në nxehtësi mesatare. Lërini të ziejnë derisa perimet të zbuten, rreth 30-45 minuta.
Ju mund ta rregulloni supën me kripë, piper, salcë djegëse, barishte ose erëza. Ju gjithashtu mund të shtoni perime të tjera jo niseshte, të tilla si spinaq ose bishtaja.
Çdo ditë, duhet të hani sa më shumë supë me lakër – të paktën për disa vakte.
A funksionon për humbje peshe?
Dieta e supës me lakër nuk është studiuar kurrë, kështu që është e pamundur të konfirmohet me të vërtetë efektiviteti i saj.
Megjithatë, për shkak se dieta e supës me lakër është shumë e ulët në kalori, ndoshta do të shkaktojë humbje peshe.
Ndërsa ju lejohet të hani sasi të pakufizuar supë dhe disa ushqime të tjera gjatë kësaj diete, zgjedhjet janë kaq të kufizuara dhe me pak kalori sa do të ishte shumë e vështirë të hani aq sa duhet për të ruajtur peshën tuaj trupore.
Edhe pse dieta me supë me lakër ndoshta do t’ju ndihmojë të humbni peshë, pjesa më e madhe e kësaj peshe ka të ngjarë të kthehet sapo të ndaloni dietën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
