Kryeqyteti i Spanjës, Madridi, është padyshim mes vendesh që të lë pa fjalë me bukuritë dhe atraksionet që ofron për vizitorët.
Një djalë i ri anglez, i cili studimet i kishte kryer në Madrid kishte publikuar një letër të përbërë me dhjetë destinacione që sipas tij e bëjnë kryeqytetin spanjoll akoma më të veçantë.
Albanian Post ju sjell dhjetë arsyet se pse duhet ta vizitoni Madridin!
Moti
Madrid është një qytet brenda të cili mbretëron kryesisht mot me diell.
Moti është mjaft i thatë kështu që mund të bëhet mjaft i freskët në dimër dhe jashtëzakonisht i nxehtë në verë.
Në krahasim me qytete të tjera si për shembull, Londra, në Madrid ju do të shihni diellin shumë më tepër sesa shiun, gjë që e bën atë një vend të shkëlqyeshëm për të vizituar dhe për të parë ndonjë gjë interesante.
Ushqime kualitative, “tapat” më të mira
Spanja ka të bëjë me ushqimin, dhe ku tjetër përveç kryeqytetit do të gjeni disa nga tapat më të mira ?!
Disa nga specialitetet më të mira lokale i gjeni në pjesën e Mercado San Miguel. Madje, tapat më të shijshme e veçanërisht tortila e tyre janë të mundshme për tu ngrënë në këtë pjese/
Nëse jeni adhurues të eksperimentimit të ushqimeve, edhe “Perrachica”, nuk është ide e keqe, e as kroketat me ngjyrë kallamari.
Edhe për adhuruesit e proshutës ka zgjidhje!
“Meson Cinco Jotas” njihet për proshutën më të mirë spanjolle si dhe pjata të tjera të shijshme të mishit të derrit, propozohet të provoni specialitetin – “Secretto Iberico”.
Pallati Mbretëror i Madridit
Mes objektesh më të vizituara si nga banorët lokal ashtu edhe nga vizitorët e vendeve të huaja, Pallati Mbretëror i Madridit është monumenti më mbresëlënës i kryeqytetit.
Ai ka një pamje madhështore nga jashtë dhe pjesa e brendshme është edhe më e bukur me afresket e saj mahnitëse dhe dekorin luksoz.
Mos e lëni pa e provuar madhështinë që ofron pallati nga brenda, ani pse pritjet janë pak të zgjatura për shkak të fluksit të vizitorëve.
Hyrja për vizitë për brenda pallatit do të ju kushtoj jo më shumë se 11 euro.
Sugjerohet që gjithashtu të bëni një shëtitje nëpër kopshtet e bukura – Sabatini, në të cilat dikur aty gjendeshin stallat mbretërore.
Tregu i larmishëm
Madridi është i njohur edhe si një epiqendër e modës, kështu që do ta keni të vështirë të rezistoni për të bërë pazar pasi ka kaq shumë mundësi për shijen e të gjithëve.
Ka të gjitha butikët e vegjël të bukur të fshehur në rrugët e pasme nëpër qytet dhe rrugët kryesore si Goya, Velazquez dhe Ortega y Gasset të cilat janë një përzierje e markave të thjeshta dhe atyre më luksoze.
Nëse jeni duke kërkuar për dyqane më origjinale me produkte më ekstravagante e më unike, atëherë shkoni në rrugën Fuencarral dhe vizitoni rrethin e Chueca-s.
Puerto del Sol
Puerto del Sol, i njohur gjithashtu si “Porta e Diellit”, është sheshi më i famshëm në Madrid dhe është pika qendrore e Spanjës.
Mes tjerash, brenda tij do të gjeni ndërtesën e vjetër të Postës si dhe tabelën e famshme “Tio Pepe”.
Por keni kujdes me xhepat sepse “Puerto del Sol” një vend i rëndësishëm takimi në qytet, ku zhvillohen shumë protesta dhe demonstrata.
Historia e pasur e Madrid-it
Madrid ka një histori mbresëlënëse prandaj preferohet të lexohet rreth saj para se të vendosni për ta vizituar.
Kjo bëhet e dukshme kur ecni nga kaq shumë monumente mbresëlënëse të tilla si “Plaza Mayor, “, tempulli egjiptian i “Debod-it”, katedralja e bukur “Almudena” dhe “Plaza de Cibeles”, me burimin e saj mahnitës.
Parku “Retiro”
Mes parqesh kryesore të kryeqytetit spanjoll është edhe “Parku Retiro”, ku të gjithë shkojnë për piknik në ditët e nxehta të verës.
“Retiro” është një park i bukur për të shëtitur, dhe gjithashtu ka edhe pellgun qendror ku mund të merrni me qira një varkë të vogël me kanotazh për më pak se 8 euro.
Brenda parkut do të gjeni po ashtu edhe shtëpinë interesantë “Palacio de Cristal” e cila është e hapur për ekspozita.
Dhe një mos e harroni! Hyrja për në “Puerta de Alcala” është ndër ato më të bukurat.
Nivel tjetër i jetës së natës
Spanja është e njohur për festat e saj të çmendura dhe Madridi ofron jetën më të mirë të natës në gjithë vendin.
Duke filluar nga baret e thjeshta lokale e deri në klubet e natës së modës, ka mundësi të pafund për një natë të paharrueshme.
Nëse jeni adhurues të koktejeve interesante, propozohet të vizitoni baret “Areia” ose “Eccola”, ndërsa për ata që pëlqejnë luksin, “Urban Hotel” ose “ME Madrid Reina Victoria” janë vende me pamje mahnitëse nga ku mund të vrojtohet një pjesë e mirë e qytetit.
Keni parasysh dhe mos harroni se gjërat fillojnë shumë më vonë në Madrid sesa kudo tjetër.
Festat më të bukura fillojnë nga ora 2 e mëngjesit ose më vonë dhe zgjasin deri në lindje të diellit, mos më shumë.
Qytet ekonomik dhe lehtë i shëtitshëm edhe në këmbë
Madridi nuk është një qytet jashtëzakonisht i madh kështu që është e lehtë të vizitosh gjithçka në këmbë.
Taksitë vendase nuk janë aq të shtrenjta, kështu që kjo është një tjetër mundësi e përballueshme për të lëvizur pasi të keni lodhur këmbët duke ecur kudo.
Banimi
Në krahasim me kryeqytetet e tjera evropiane, Madridi, është shumë më i lirë për të jetuar.
Udhëtimet, akomodimet, restorantet dhe baret janë të gjitha më të përballueshme sesa në qytete të tjerë më me nam si Parisi apo Londra.
Nëse jeni duke kërkuar për një qytet të përballueshëm, buxhetor, Madridi është vendi ideal.
Sidoqoftë, nëse përkundrazi, ju po kërkoni një destinacion luksoz, atëherë mos u shmangni sepse Madridi ka shumë hotele elegant për të qëndruar dhe dyqane dhe restorante të nivelit të lartë për të shijuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
