Dest do të qëndrojë në Barcelonë për sezonin e ardhshëm

Sergino Dest planifikon të qëndrojë në Barcelonë këtë verë, pavarësisht raporteve që e lidhin atë me Manchester United.

Diario SPORT raportoi të premten se Barcelona është në bisedime me United për një marrëveshje prej 20 milionë euro për mbrojtësin e djathtë të Shteteve të Bashkuara, i cili gjithashtu ka qenë i lidhur me Bayern Munich dhe Chelsea në të kaluarën.

Megjithatë, Barcelona është e hapur për oferta për një pjesë të madhe të skuadrës së tyre, duke përfshirë Dest-in, ai mbetet i përkushtuar të luftojë për një vend në skuadrën e Xavi Hernandez.

Agjenti i Dest-it, Joes Blakborn  tha se ai nuk dëshironte të reagonte ndaj raporteve specifike, por se “megjithë interesimin nga klubet e tjera, Dest do të jetë pjesë e së ardhmes së Barcelonës këtë sezon”.

Trajneri i Barcelonës, Xavi, i tha Dest-it më herët gjatë verës se ai përfshihej në planet e tij për sezonin e ardhshëm, por situata financiare e klubit i ka detyruar ata të rishqyrtojnë të ardhmen e mbrojtësit.

Xavi vlerëson faktin që Dest mund të sigurojë mbrojtje edhe në krahun e majtë, ndërsa ai ka cilësi të ndryshme nga mbrojtësit e tjerë të skuadrës së tyre dhe është ende i ri.

Pas investimit të madh këtë verë, Barcelona është ende e prirur për t’u forcuar në mbrojtje, ku objektiv mbetet Marcos Alonso i Chelsea-t, pasi humbi Cesar Azpilicueta-n.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.