Në Gjykatën Speciale, të enjten ka nisur dëshminë dëshmitari serb Dragan Ivaniseviç, i cili ishte pjesëtar i Ushtrisë së Serbisë në vitet 1998-1999.
Nga prokurori ai është duke u pyetur rreth listës së personave të zhdukur për ngjarjet në Kosovë gjatë luftës.
I pyetur nga prokurori rreth zhdukjes së Gjuriç Nebojsha dhe Petro Markoviç, ai ka pretenduar se ishin ndaluar në Vushtrri dhe ishin vendosur prapa në bagazh nga Ushtria Çlirimtare e Kosovës.
Sipas kryetarit të trupit gjykues, Charles Smith III, dëshmia e këtij dëshmitari do të zgjasë tërë ditën.
Pjesë nga intervistimi i Dragan Ivaniseviç.
Prokurori: Është një listë e personave të zhdukur lidhur me ngjarjet në Kosovë, e prodhuar në mars të 2001 personat e zhdukur në këtë listë janë vendosur në formë kronologjike në bazë të zhdukjes.
Janë vetëm dy shënime në këto dokumente që mbajnë datën 9 shkurt 1999, njëri prej tyre është për Gjuriç Nebojsha dhe tjetri Petro Markoviç dhe thotë që secili prej tyre është parë në Fushë Kosovë, a është ky i njëjti vend që na thatë?
Dragan Ivaniseviç: Po.
Prokurori: Në deklaratën tuaj, të pranuar si provë keni shpjeguar se ju ka ndaluar UÇK-ja në rrugë nga Prishtina në Vushtrri, a mund të na thoni përafërsisht sa larg është Fushë Kosova nga vendi ku ju ndaluan?
Dragan Ivaniseviç: Rreth 30 kilometra.
Prokurori: Ju na thatë se ju futen mbrapa bagazhit në një makinë bashkë me zotërin Markoviç, nga ajo që patë a krijuat ndonjë ide se sa vjet ishte?
Dragan Ivaniseviç: Ishte terr, por do të thosha se ishte rreth moshës 35 vjeç, por nuk jam i sigurt sepse ishte e vështirë të shikoje.
Prokurori: Në lidhje me dokumentin, aty ka ditëlindjet e personave të zhdukur dhe për zotërin Markoviç datëlindja është 4 mars 1965 kështuqe i bie të ketë qenë 33-34 vjeç në kohën e ndalimit, a përputhet ajo që sapo na thatë lidhur me moshën e tij?
Dragan Ivaniseviç: Po, po përputhet.
Prokurori: Kur e patë zotërin Markoviç për herë të parë, çfarë pamje kishte si u duk kur e kishte parë?
Dragan Ivaniseviç: Më është dukur mjaft i shqetësuar, i turbulluar. Ishte i zhytur thellë në mendime, mu është dukur se ndjehej i poshtëruar.
Prokurori: A kishte në atë kohë ndonjë njëri pranë tij nga UÇK-ja?
Dragan Ivaniseviç: Po. Anëtarët e UÇK-së kishin një armë automatike dhe rrinin pranë në anën e shoferit, ishte pranë makinës dhe ai i kishte drejtuar armën atij dhe ky ishte ulur në ulësen prapa.
Prokurori shfaq një dokument të Markoviç-it, ku pretendohet se është parë për herë të fundit në Fushë Kosovë, ai e pyet dëshmitarin serb për gjatësinë e tij dhe peshën.
Dëshmitari: Ka qenë më i shëndosh se unë dhe më i shkurtë.
Nga trupi gjykues nuk pranohet ky dokument, duke thënë se “nuk kanë kushte” për pranimin e këtij dokumenti.
Nga prokurori kërkohet sërish që një dokument tjetër të vendoset në ekranin e Speciales, i njëjti transmetohet publikisht, dokumenti është i OSBE-së.
Prokurori: Hetimi i policit serb që pretendohet se është rrëmbyer është viktima Viliko Markoviç dhe Gjuriç Nebojsha, aty thuhet që hetuesit e OSBE-së folën me një punonjës të OSBE-së që iu ka intervistuar juve më 13 shkurt të 99-ës. A ju kujtohet që jeni takuar me disa përfaqësues të OSBE-së, disa ditë pas arratisjes suaj?
Dragan Ivaniseviç: Po më kujtohet.
Prokurori: Në raport jepen disa hollësi lidhur me rrëbimin e juaj, këto hollësi a janë të sakta me ato të cilat na keni thënë sot?
Dragan Ivaniseviç: Po janë të sakta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Hetimi ndaj Trump | Johnson: Do ta mbajmë përgjegjës Smithin për abuzimet
-
Dëshmitë e gjashtë dëshmitarëve me shkrim ndaj ish krerëve të UÇK-së pranohen pjesërisht
-
Gjykimi ndaj ish eprorëve të UÇK-së vazhdon më 21 maj
-
ZPS-ja pretendon se dëshmitari i 62-të është arrestuar dhe rrahur nga ushtarët e UÇK-së
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë