Denoncohet i humbur, 13-vjeçari në Dibër gjendet i mbytur në liqen

Një ngjarje e rëndë ka ndodhur në Dibër këtë të enjte të 25 majit.

Një 13-vjeçar është gjendur i mbytur në liqenin e fshatit Shumbat.

Mësohet se trupi i pajetë i të miturit u identifikua pas dy orësh kërkime në bashkëpunim me banorët e zonës.

Sakaq, ka qenë vëllai i viktimës, i cili bëri kallëzim mbrëmjen e djeshme në polici për humbjen e tij.

Menjëherë nisën kërkimet në zonën e fshatit Shumbat, pasi i mituri ishte parë për herë të fundit afër liqenit.

Nga veprimet e para hetimore dyshohet se 13-vjeçari është mbytur aksidentalisht.

Grupi hetimor, në drejtimin e Prokurorisë, vijon punën hetimore për zbardhjen e plotë të rrethanave të kësaj ngjarjeje.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.