Lajme

Dendias takon homologun e Arabisë Saudite, në fokus përforcimi i marrëdhënieve dypalëshe


Ministri i Jashtëm saudit, Princi Faisal bin Farhan bin Abdullah, të martën e 4 janarit, u takua me homologun e tij grek, Nikos Dendias, në Athinë.

Bisedimet kishin në fokus marrëdhëniet dypalëshe dhe hapat konkretë në forcimin e tyre në të gjitha fushat.

Dy ministrat e Jashtëm të vendeve respektive trajtuan gjithashtu çështje me interes ndërkombëtar dhe rajonal.

Gjithashtu kanë nënvizuar dhe rëndësinë e koordinimit pozitiv midis Riadit dhe Athinës.

Kjo për çështjet rajonale dhe ndërkombëtare, si mënyra më e mirë për të forcuar sigurinë dhe stabilitetin, si dhe për të luftuar terrorizmin në Lindjen e Mesme e në botë.

Princi ka shprehur qëndrimin e tij mbi negociatat penguese të Vjenës, për marrëveshjen bërthamore të Iranit.

Ata theksuan rëndësinë e mbështetjes së përpjekjeve ndërkombëtare, që synojnë parandalimin e Teheranit, nga marrja e armëve bërthamore.

Gjithashtu, theksoi nevojën për t’u përballur me shkeljet e marrëveshjes nga Irani, të cilat bien ndesh me deklaratat e tij për paqen.

Princi Faisal bin Farhan bin Abdullah dhe Dendias diskutuan gjithashtu mundësitë për të zhvilluar marrëdhëniet ekonomike dhe tregtare mes Arabisë Saudite dhe Greqisë, si vijimësi e Vizionit të Mbretërisë 2030.

Marrë nga Asharq Al-Awsat, përshtatur për Albanian Post. 

/Albanianpost.com


Lajmet kryesore