Lajme

Debati presidencial francez LIVE në Albanian Post – ORA 21:00


Presidenti francez, Emmanuel Macron, dhe sfiduesja e ekstremit të djathtë, Marine Le Pen, mbrëmjen e sotme do të zhvillojnë një diskutim të hapur, i cili mund të jetë vendimtar në garën për Elysee-n.

Kjo përballje do të raportohet LIVE, në Albanian Post, duke filluar nga ora 21:00.

Si për Macron-in, presidenti aktual, edhe për sfiduesen e tij gara është ende e hapur.

Megjithëse sondazhet paraprake tregojnë se presidenti ka një epërsi përpara votimit vendimtar të së dielës.

Mbështetësit e Macron-it e dinë se ka pak vend për vetëkënaqësi, duke pasur parasysh rrezikun e votuesit të majtë, i cili është distancuar.

Ndërkohë, Le Pen duhet të kthejë faqen e performancës së saj katastrofike në debatin e 2017-ës.

Ajo ngatërroi shënimet e saj asokohe dhe humbi pozitën disa herë.

Por, që nga ajo periudhë ka ndryshuar shumë.

Dueli

Ndonëse rreshtimi është i njëjtë, rezultati i zgjedhjeve është më i hapur, me epërsinë e presidentit centrist.

Diferenca është shumë më e ngushtë se në zgjedhjet e 2017-ës.

Macron gjendet në pushtet prej pesë vitesh, që do të thotë se Le Pen mund ta sulmojë në historikun e tij.

Por Macron nuk është pa asete për këtë debat, e cila do të jetë e vetmja përballje direkte mes të dyve në të gjithë fushatën.

Me ekspertin e ekstremit të djathtë, Eric Zemmour, jashtë loje, Le Pen humbi një rival që e bëri atë të dukej më pak radikale.

Më pas, papunësia është në nivelin më të ulët në 13 vjet dhe ekonomia franceze ka tejkaluar vendet e tjera të mëdha evropiane.

Për të dy, përpjekja për të fituar mbi votuesit e majtë do të jetë çelësi.

Sondazhet

Tri sondazhe në lidhje me raundin e dytë të zgjedhjeve në Francë janë më inkurajuese për presidentin aktual Emmanuel Macron.

Pozicioni i tij është përmirësuar, me një mesatare prej 55.83 për qind të të anketuarve, të cilët do të votojnë për Macron-in.

Krahasuar me sondazhet e javës së kaluar, presidenti francez është rritur me tri pikë nga mesatarja e pesë sondazheve që çuan në raundin e parë të zgjedhjeve presidenciale.

Sipas një sondazhi të Ipsos, Macron po fiton 56.5 për qind të votave.

Opinionway dhe Ifop tregojnë rezultate pak më të ulëta – respektivisht 56 për qind dhe 55 për qind.

Megjithatë, është ende herët për të pretenduar fitoren, thotë kryeministri francez, Jean Castex.

Lufta kryesore tani është për votat e Jean-Luc Mélenchon, kandidatit presidencial, i cili doli i treti në raundin e parë të zgjedhjeve me 22 për qind mbështetje.

Partia e Melenchon-it dhe vetë ai nuk dhanë asnjë rekomandim të drejtpërdrejtë për votimet e raundit të dytë.

Nga ana tjetër, ai synon t’i përqendrojë përpjekjet e tij në zgjedhjet legjislative franceze këtë verë për t’u bërë kryeministër.

Mes votuesve të Mélenchon-it, sipas një sondazhi të Elabe-s, 42 për qind tani janë gati të votojnë për Macron-in – 7 për qind më shumë se javën e kaluar.

Më 24 prill, do të zhvillohet raundi i dytë i zgjedhjeve presidenciale në Francë.

/Albanianpost.com


Lajmet kryesore