Jetesë & Stil

David dhe Victoria Beckham flasin për herë të parë mbi lidhjen e dyshuar të ish-futbollistit me Rebecca Loos


Çifti i famshëm, David dhe Victoria Beckham më në fund kanë adresuar thashethemet rreth lidhjes së supozuar të yllit të futbollit me asistenten e dikurshme, Rebecca Loos në vitin 2004.

Në një dokumentar të ri me katër pjesë të Netflix, ish- anëtarja e “Spice Girl” ka folur hapur për tradhtinë e supozuar të burrit të saj, që thuhet se kishte ndodhur gjatë kohës që ai luante për “Real Madrid-in”, ndërsa David pranon se spekulimet e bënë të ndihej “fizikisht i sëmurë”.

Çifti, i cili u martua në vitin 1999 dhe kanë katër fëmijë së bashku, gjithmonë i kanë mohuar me forcë pretendimet për lidhjen.

Në intervistat emocionale për episodin e katërt dhe të fundit, si Victoria ashtu edhe David shpalosen versionet e tyre për mënyrën sesi thashethemet dhe furia mediatike që pasoi ndikuan tek ata dhe familja.

David dhe Victoria kishin qenë nën një vëzhgim intensiv në lidhje me gjendjen e martesës së tyre që kur ai bëri lëvizjen e diskutueshme nga “Manchester United” te “Real Madrid” për 25 milionë funte.

Në atë kohë, Victoria ishte përshkruar si ngurruese për t’u transferuar në Spanjë, me raportet e tabloideve që pretendonin se asaj nuk i pëlqente ushqimi dhe ishte e shqetësuar për shkollën që ndiqnin fëmijët e tyre.

Megjithatë, gjërat u përkeqësuan pasi Loos pohoi në gazetën tashmë të zhdukur “News of the World” se ajo dhe David kishin një lidhje tre mujore.

Pretendimet e saj nuk u vërtetuan kurrë dhe u hodhën poshtë nga David, kur ai i pati cilësuar si “qesharake”.

David Beckham.

“Ishte hera e parë që unë dhe Victoria ishim vënë nën atë lloj presioni në martesën tonë”, thotë David në dokumentar, pasi një montazh video tregon qindra tituj në faqet e para në lidhje me akuzat.

“Nuk mund të filloj as t’ju them se sa e vështirë ishte. Dhe si ndikoi tek unë”, shton Victoria, në një intervistë të veçantë për skandalin.

E pyetur nga intervistuesi Fisher Stevens nëse ishte periudha më e vështirë në martesën e tyre, ajo përgjigjet: “Njëqind për qind. Ishte periudha më e vështirë për ne, sepse ndiheshim sikur bota ishte kundër nesh. Dhe këtu është çështja, ne ishim kundër njëri-tjetrit, nëse do të jem plotësisht i sinqertë”.

“Deri në Madrid, ndonjëherë ndiheshim si ne kundër të gjithëve, por ishim bashkë, ishim të lidhur, kishim njëri-tjetrin. Por kur ishim në Spanjë nuk më dukej sikur kishim njëri-tjetrin. Dhe kjo është e trishtueshme”, shtoi ajo.

Në atë kohë, Loos thuhej se kishte fituar deri në 1 milion funte përmes intervistave dhe roleve televizive në lidhje me historinë e saj të Beckham, duke përfshirë një paraqitje famëkeqe në “The Farm” të Channel 5.

Ajo gjithashtu u shfaq në shfaqjet në Mbretërinë e Bashkuar si “Celebrity Love Island”, “Extreme Celebrity Detox” dhe “The X Factor: Battle of the Stars”.

Loos që atëherë është zhvendosur në Norvegji pasi takoi bashkëshortin e saj tani, mjekun Sven Christjar Skaiaa, me të cilin kanë dy djem së bashku, Magnus dhe Liam.

Rebecca Loos.

“Jam shume e lumtur. Nuk jam penduar”, tha Loos për MailOnline në vitin 2016.

“Njerëzit thanë se isha i çmendur, kush ishte ky djalë?” tha ajo për burrin e saj. “Vështirë se e njihja, çfarë po bëja? Por shikoni gjithçka që kam tani”.

“Jam shumë e lumtur me jetën time tani. Shumë njerëz kanë shumë frikë nga ndryshimi. Ndryshimi është i mirë, ndryshimi është mënyra se si ju mësoni, njerëzit thjesht duhet ta bëjnë atë. Po të mos kisha qenë e famshme, nuk do të isha e ftuar në emisionin televiziv ku takova bashkëshortin tim Sven dhe nuk do të kisha djemtë e mi të bukur. Nuk do të kisha pasur jetën që kam tani”, pati përfunduar ajo.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore