Sipas gazetarit gjerman, Florian Plettenberg, transferimi i Dani Olmo-s nga RB Leipzig te Barcelona është pothuajse një punë e përfunduar.
Më herët në afatin kalimtar, u duk sikur Olmo do të qëndronte te Leipzig për sezonin e ardhshëm, pa asnjë klub që ishte i gatshëm të paguante klauzolën e tij të lirimit prej 60 milionë eurosh.
Megjithatë, gjatë javëve të fundit, Barcelona ka kërkuar të sigurojë nënshkrimin e spanjollit.
Ndërsa qasja e tyre e parë për 26-vjeçarin u refuzua, kuptohet se një marrëveshje mund të finalizohet këtë javë.
Siç thuhet në raport, drejtori teknik i Barcelona-s, Deco, është sot në Leipzig duke kërkuar të arrijë një marrëveshje për Olmo-n, me trajnerin Hansi Flick që thuhet se po shtynte për nënshkrimin e mesfushorit.
Me një marrëveshje që duket gati për t’u përfunduar, drejtori i ri menaxhues i Leipzig, Marcel Schafer, foli për mundësinë e realizimit të transferimit: “Ai është një lojtar i jashtëzakonshëm që ka vlerë të rëndësishme për ne. Ne jemi gati ta diskutojmë, por ai ka një vlerë të caktuar”.
“Nëse ka një zgjidhje deri të enjten, atëherë ka një zgjidhje. Përndryshe, ai do t’i bashkohet stërvitjes sonë këtu dhe ne do të kemi një tjetër top lojtar në radhët tona”, vijoi ai.
Besohet se nëse Olmo do të largohet nga Leipzig, “Die Roten Bullen” do të synojë Rayan Cherki-n të Lyon, i cili kishte qenë një objektiv i Borussia Dortmund në fillim të kësaj vere.
Dani Olmo: Barcelona dërgon ofertën e dytë, por pret miratimin nga La Liga
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
