Daja ankohet për gjykimin e ndeshjes pas eliminimit nga Kupa: Çdo kontakt nuk mund të jetë penallti në futboll

Kampioni në fuqi i Kosovës, Ballkani, u eliminua në çerekfinale të Kupës së Kosovës, duke u mposhtur me rezultat 2:0 nga Prishtina.

Pas ndeshjes, foli ne konferencën për media trajneri i Ballkanit, Ilir Daja, i cili pati ankesa të mëdha në ndarjen e drejtësisë së kësaj ndeshje.

“Nuk mund të rri dot pa folur për arbitrat, pasi deri tani s’kam folur, nuk ka asnjë lloj kontakti tek penalltia, ose konktat shumë i lehtë. Ajo penallti as në basketbollin evropian nuk do të ishte faull”, tha Daja.

“Arbitri e sheh intensitetin, çdo lloj kontakti nuk është penallti. Pjesën tjetër mendoj se më shumë e kërkoi fitoren Prishtina”.

Tani duhet të fokusohemi tek kampionati, por nëse na bëjnë kështu edhe në kampionat, atëherë do të fokusohemi tek Evropa. Na lejoni të luajmë futboll”, tha ndër të tjerash Daja në Art Sport.

Kujtojmë që golat u shënuan nga Kreshnik Uka në pjesën e parë nga penalltia, ndërsa në pjesën e dytë e dyfishoi epërsinë Genc Hamiti.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.