“Çudirat” e ditës së votimit në Turqi

Nga macet e deri te kutitë portative të votimit për njerëz që janë të sëmurë ose të moshuar.

Dita e zgjedhjeve në Turqi për balotazhin presidencial Erdogan-Kilicdaroglu nuk kaloi pa regjistruar disa zhvillime të pazakonta.

Në rrjetet sociale ka plot shaka se macet e fotografuara në qendrat e votimit janë aty për të monitoruar votimin.

Macet pëlqehen dhe përkujdesen gjerësisht në të gjithë Turqinë, në rrugë, në dyqane dhe kafene si dhe në shtëpi.

Direkt olaya el koyan müşahit. 🐈
Esenkent Atatürk ilköğretim okulu
#OyKullan #Secim2023 pic.twitter.com/OtPjYGSb5P

— Gölet Gönüllüleri (@Bahceshr_Golet) May 28, 2023

Stambolli, i cili ka një popullsi të konsiderueshme macesh, shpesh quhet edhe “Catstanbul”.

Një turk ka mbërritur me një barelë spitali për të votuar në qendrën e tij, i brohoritur dhe i duartrokitur nga të pranishmit.

Përdoruesit e mediave sociale shpërndanë video të burrit teksa ai hynte në stacion me ndihmën e paramedikëve.

Bir vatandaş sedye ile oy kullanmaya geldi. pic.twitter.com/oLAnG2gHbD

— Onedio (@onediocom) May 28, 2023

Një votuese turke ka mbërritur në një qendër votimi në Stamboll për të votuar me qengjin e saj të bardhë që e ndjek pas.

Përdoruesit e mediave sociale shpërndanë video të votueses dhe qengjit të saj të veshur me stil në kutinë e votimit.

İstanbul’da bir vatandaş kuzusuyla oy kullanmaya geldi. pic.twitter.com/UlP01ZbG6N

— Onedio (@onediocom) May 28, 2023

Një votues turk u shfaq në një qendër votimi në Adana, në jug të Turqisë, i veshur me një kostum Spiderman.

🕸 Adana'da bir vatandaş ''örümcek adam'' kostümüyle oy kullandı. pic.twitter.com/Twk8xaABPW

— gdh (@gundemedairhs) May 28, 2023

Kutitë e votimit janë çuar nëpër shtëpi që të mund të votojnë njerëzit që janë të sëmurë, të moshuar ose që jetojnë me aftësi të kufizuara.

Mes atyre që votuan nga shtëpitë e tyre ishte Sumeyye Sahin, 18 vjeç, nga provinca juglindore e Adiyaman-it.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.