Cristiano Ronaldo përballet me një sfidë të re ligjore nga gruaja që e kishte akuzuar për dhunë seksuale në vitin 2018

Avokatët e gruas që e akuzoi yllin e futbollit, Cristiano Ronaldon për përdhunimin e saj në Las Vegas në vitin 2009, të cilën ai e mohoi fuqishëm, po përpiqen të ringjallin ofertën e saj për të detyruar sportistin t’i paguajë asaj miliona më shumë para.

Avokatët që përfaqësojnë yllin e futbollit Cristiano Ronaldo do të kthehen sot në gjykatë në një betejë ligjore për paratë e heshtjes që ai pagoi në vitin 2010 për një grua që e akuzoi atë për përdhunimin e saj.

Lojtari i kishte paguar Kathryn Mayorga – e cila ka hequr dorë nga e drejta e saj për anonimitet – 375 mijë dollarë në versionin e parave të heshtura.

Ajo kishte pretenduar se ai e përdhunoi atë në një dhomë hoteli në Las Vegas në qershor të vitit 2009 – gjë që ai e mohoi kategorikisht.

Një avokat i gruas po i kërkon Gjykatës së 9-të të Apelit të Rrethit të SHBA-së që të anulojë pushimin e çështjes në qershor të vitit 2022 dhe të rihapë padinë civile që ajo ngriti për herë të parë në Nevada në vitin 2018.

Apeli argumenton se gjyqtari i gjykatës federale në Nevada gaboi duke refuzuar në mënyrë të përsëritur përpjekjet e gruas për të zhbllokuar dhe përfshirë si provë marrëveshjen e konfidencialitetit që ajo nënshkroi në 2010 në pranimin e pagesave nga Ronaldo.

Një panel prej tre gjyqtarësh i gjykatës së apelit me bazë në San Francisko nuk pritet të lëshojë një vendim të menjëhershëm pasi është planifikuar të marrë në pyetje avokatët e Ronaldos dhe akuzueses së tij, Kathryn Mayorga, gjatë debateve gojore të mërkurën në një seancë speciale në fakultetin e drejtësisë në kampusin e  i Universitetit të Nevadës në Las Vegas.

Ronaldo është një nga sportistët më të njohur dhe më të pasur në botë. Ai drejton kombëtaren e vendit të tij të Portugalisë dhe ka luajtur për ekipin spanjoll “Real Madrid”, klubin italian “Juventus”, “Manchester United” në Angli dhe tani luan për ekipin profesionist të Arabisë Saudite “Al Nassr”.

Policia e Las Vegas rihapi një hetim për përdhunim pasi u ngrit padia e Mayorga-s, por Prokurori i Qarkut Clark, Steve Wolfson vendosi në vitin 2019 të mos ndiqte akuza penale.

Ai tha se kishte kaluar shumë kohë dhe provat nuk arritën të tregonin se akuza e Mayorga mund të provohej para një jurie.

Mayorga, një ish-mësuese dhe modele nga zona e Las Vegasit, ishte 25 vjeçe kur takoi Ronaldon në një klub nate në vitin 2009 dhe shkoi me të dhe njerëz të tjerë në suitën e tij të hotelit.

Ajo pretendon në padinë e saj të paraqitur pothuajse një dekadë më vonë se ylli i futbollit, atëherë 24 vjeç, e sulmoi seksualisht në një dhomë gjumi.

Ronaldo, përmes avokatëve të tij, tha se seksi ishte konsensual. Të dy arritën një marrëveshje konfidencialiteti në vitin 2010, sipas së cilës Mayorga mori 375 mijë dollarë.

Në pushimin e çështjes vitin e kaluar, gjykatësja e qarkut amerikan Jennifer Dorsey në Las Vegas ndërmori hapin e pazakontë duke vendosur një gjobë prej 335 mijë dollarësh kundër avokatit kryesor të Mayorga, Stovall, për veprimin me “besim të keq” në paraqitjen e çështjes në emër të klientit të tij.

Apeli i Stovall në emër të Mayorga-s, i paraqitur në mars, e quan vendimin e Dorsey “një shpërdorim i dukshëm i diskrecionit” dhe kërkon të hapë të dhënat dhe të ringjallë çështjen.

Ai pretendon se Mayorga nuk ishte i detyruar nga marrëveshja e konfidencialitetit sepse Ronaldo ose bashkëpunëtorët e tij e shkelën atë përpara se një gazetë gjermane, Der Spiegel, të publikonte një artikull në prill të vitit 2017 të titulluar “Sekreti i Cristiano Ronaldos” bazuar në dokumentet e marra nga dosjet gjyqësore.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.