Cramon: Vëzhgova zgjedhje në Kosovë e Irak, por s’kam parë kurrë vjedhje masive sikurse në Serbi
Raportuesja për Kosovën në Parlamentin Evropian (PE), Viola von Cramon, gjatë një adresimi të enjten para eurodeputetëve për zgjedhjet e 17 dhjetorit të vitit të kaluar në Serbi, deklaroi se përgjatë 20 viteve si vëzhguese ndërkombëtare e proceseve elektorale, posaçërisht në vendet në tranzicion, asnjëherë nuk ka parë vjedhje masive të votave sikurse në Serbi.
Cramon, anëtare e misionit vëzhgues të PE-së, denoncoi edhe njëherë parregullsitë gjatë procesit të votimit, posaçërish votuesit ilegalë të ardhur në mënyrë të organizuar nga Republika Sërpska – entiteti serb në Bosnjë-Hercegovinë – presionin e raportuar ndaj votuesve, gjuhën e urrejtjes dhe vjedhjen masive të votave nga Partia Progresive Serbe (SNS) në pushtet.
“Kam parë shumë zgjedhje – nga Kazakistani në Kosovë, nga Ukraina në Irak, megjithatë, që kur u bëra vëzhguese e zgjedhjeve 20 vjet më parë, nuk kam parë kurrë diçka të tillë: migrim masiv i votuesve të SNS-së, transportim të votuesve me autobusë nga Republika Sërpska, presion ndaj votuesve… të jemi të qartë: këto zgjedhje janë të manipuluara dhe të vjedhura”.
Në Serbi ka nisur një valë e protestave të opozitës nga vera e vitit të kaluar, ndërsa kulmuan pas zgjedhjeve të 17 dhjetorit, për shkak të parregullsive serioze e rasteve të frikësimit, përfshirë edhe blerjen e votave nga SNS-ja, megjithëse presidenti i Serbisë, Aleksandër Vuçiç, ka mohuar akuzat për vjedhje gjatë procesit elektoral, duke anashkalur thirrjet për hetim.
🇷🇸 20 years of observing elections in so many countries and never have I witnessed something like I did in #Serbia in December.
But the @Europarl_EN stands with the Serbian people. It's time for an impartial international investigation. Let’s defend the voters’ rights. pic.twitter.com/NjvcSBrtBX
— Viola von Cramon 🇺🇦🇪🇺 (@ViolavonCramon) January 18, 2024
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel