Vaksina e koronavirusit BioNTech-Pfizer është e sigurt dhe shumë efektive për fëmijët midis moshës 12 dhe 15, sipas një studimi të ri të botuar të mërkurën e 31 mars.
Në një deklaratë të përbashkët, firmat gjermane dhe amerikane thanë se vaksina kishte “demonstruar efikasitet 100% dhe përgjigje të fuqishme të antitrupave”. Këto, në provat e Fazës 3 të kryera në 2 mijë e 260 adoleshentë në Shtetet e Bashkuara.
Çfarë zbuluan provat e fundit?
Të dyja, vaksinat dhe përpjekjet e vaksinimit, janë përqendruar në popullatat e moshës së rritur. SHBA-të dhe BE-ja kanë aprovuar përdorimin e vaksinës për të gjithë personat nga mosha 16 vjeç e lart.
Provat zbuluan se vaksinat mund të hapin një rrjet më të gjerë përsa u përket adoleshentëve. Sakaq, të ndihmohen shkollat, të paktën klasat e larta, që t’i kthehen në normalitet pas një viti.
Rezultatet u cilësuan si “shumë inkurajuese duke pasur parasysh tendencat që kemi parë javët e fundit në lidhje me variantin B117 në Mbretërinë e Bashkuar”, tha shefi ekzekutiv i kompanisë gjermane BioNTech.
Ministri i Shëndetësisë i Izraelit Yuli Edelstein ishte ndër të parët që iu përgjigj të dhënave, duke i quajtur “lajme të mrekullueshme” në Twitter.
הודעת פייזר היא בשורה נהדרת לאזרחי ישראל. אין דבר מתבקש יותר כעת מאישור מהיר של רכש חיסונים נוסף, כדי שנוכל להיות ערוכים לחיסונים מיד עם אישור ה FDA. pic.twitter.com/rNlbvMR3s2
— Yuli Edelstein 🇮🇱 יולי אדלשטיין (@YuliEdelstein) March 31, 2021
“Tani nuk ka asgjë më të rregullt sesa një aprovim i shpejtë i më shumë prokurimeve të vaksinave, kështu që ne mund të jemi të gatshëm të vaksinojmë menjëherë pas miratimit të FDA-së,” shkroi ai.
FDA është Administrata Amerikane e Ushqimit dhe Barnave, organi i tij rregullator për barnat mjekësore.
Vaksina është lidhur këtë vit me zhvillimin e një formë shumë të rrallë të mpiksjes së gjakut në tru, duke bërë që disa vende evropiane të ndalojnë përdorimin e saj tek të rriturit me moshë më të re.
Moderna, kompania amerikane që qëndron pas një vaksine tjetër Covid, thotë se do të testojë dozat e saj tek ata që janë në grupmoshën 12 deri në 17 vjeç.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dinari shtyhet në skaje pas “pengmarrjes” së kosovarëve nga “shteti mafioz” i Serbisë
-
Sulmi në Iran, baza dhe prodhimi i raketave: Pse Isfahani është një objektiv
-
Sekretari amerikan i Mbrojtjes foli me ministrin izraelit përpara se Izraeli të sulmonte Iranin
-
5000 vizitorë në 3 muaj, Rama: Shqipëria, destinacioni më i sugjeruar