Shqipëria

COVID-19 në Shqipëri: 7 humbje jete, 206 të infektuar


Gjatë 24 orëve të fundit janë regjistruar shtatë humbje jete nga coronavirus-i në Shqipëri.

Referuar Ministrisë së Shëndetësisë, nga 1610 testime, 206 qytetarë kanë rezultuar të infektuar.

Sakaq, të shëruarit në 24 orët e fundit janë 604.

Kurse në spital po marrin trajtim 79 pacientë, nga të cilët 12 janë në gjendje më të rënduar.

Ministria apelon ndaj qytetarëve të vaksinohen sa më parë, për të mbrojtur veten dhe shëndetin e të tjerëve.

Çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit të përqendruar.

Vaksinimi është i hapur edhe për fëmijët mbi 12 vjeç me probleme të sistemit imunitar, me rekomandim nga mjeku.

/Albanianpost.com


Lajmet kryesore