Një studim i ri, mbi nëntë mijë raste me Coronavirus, tregoi se pjesa më e rrezikshme për infeksionin janë dy ditët para dhe tri ditët pas shfaqjes së simptomave.
Kur ka më shumë gjasa që një pacient me COVID-19 të përhapë virusin?
Shkencëtarët janë përpjekur t’i përgjigjen pyetjes që nga fillimi i pandemisë dhe roli i asimptomatikëve si mjet për infektim ka qenë mjaft i dukshëm që në fillim.
Nëse me SARS ishte mjaft e lehtë për të bllokuar transmetimin e virusit, pasi vetëm ata që shfaqën simptoma ishin ngjitës (dhe të izolueshëm), me SARS CoV-2 gjërat shkuan krejt ndryshe: infeksioni arrin në mënyrë të pavetëdijshme edhe nga para-simptomatike.
“Është më e vështirë për të izoluar njerëzit, të cilët, edhe pse të infektuar, janë mirë i shfaqin simptomat orë, ose ditë më vonë”, thanw shkencwtarwt.
Ditët “e rrezikshme”
Në një studim të botuar në Jama Internal Medicine, udhëhequr nga Leonardo Martinez, studiues në Shkollën e Shëndetit Publik të Universitetit të Bostonit (BUSPH), ka treguar se të infektuarit janë më të rrezikshwm pwr transueshmwrinw e virusit dy ditë para dhe tri ditë pas shfaqjes së simptomave.
Hulumtimi gjithashtu zbuloi se individët e infektuar kishin më shumë gjasa të ishin asimptomatikë nëse ishin të infektuar me një rast parësor (personi i parë i infektuar në një shpërthim) që ishte gjithashtu asimptomatik.
Asimptomatike dhe pre-simptomatike
Studiuesit studiuan nëntë mijë kontakte të ngushta të një grupi prej 730 pacientësh me indeks të infektuar në provincën Zhejiang të Kinës nga janari 2020 deri në gusht 2020.
Për kontakte të ngushta, u përfshinë kontaktet familjare (të përcaktuara si individë që jetonin në të njëjtën familje ose që darkonin së bashku).
Studiuesit monitoruan individët e infektuar për të paktën 90 ditë pas rezultatit pozitiv për të bërë dallimin midis rasteve asimptomatike dhe presimptomatike.
Rezultoi se shumica e infeksioneve ndodhën, pasi kontakti me personin e infektuar ndodhi pak para ose menjëherë pas shfaqjes në këtë të fundit.
Ndër rastet parësore, 89 për qind zhvilluan simptoma të buta ose të moderuara, 11 për qind ishin asimptomatike dhe asnjë nuk zhvilloi simptoma të rënda.
Anëtarët e familjes dhe kolegët nga rastet parësore kishin shkallë më të lartë të infeksionit sesa kontaktet e tjera të ngushta.
Kontaktet e ngushta kishin më shumë të ngjarë të infektoheshin me COVID-19 nga individi kryesor i infektuar, pasi ekspozoheshin pak para fillimit të simptomave.
“Rezultatet tona sugjerojnë që koha e ekspozimit është e rëndësishme për transmetimin e virusit. Kjo siguron dëshmi të mëtejshme se testimi i shpejtë dhe karantina, pasi dikush është sëmurë, janë një hap vendimtar në kontrollin e shpërthimit”, shpjegoi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
