Çmimet e ushqimeve u ulën gjithashtu në qershor, duke rënë në nivelin e tyre më të ulët në më shumë se dy vjet nën presionin e sheqerit, vajrave bimore dhe drithërave më të lira, njoftoi Organizata e Kombeve të Bashkuara për Ushqimin dhe Bujqësinë (FAO).
Indeksi i çmimeve të FAO-s të një shporte produktesh ushqimore bazë ra me 1.4 për qind në qershor krahasuar me vlerën e rishikuar në maj dhe arriti mesatarisht 122.3 pikë, që është vlera e tij më e ulët që nga prilli 2021, raporton Reuters.
Kjo do të thotë gjithashtu se ishte 23.4 për qind më e ulët se në marsin rekord të vitit 2022, në fillim të luftës ruso-ukrainase.
Çmimi i sheqerit ra më shumë në qershor, me 3.2 për qind në krahasim me majin, gjë që FAO e shpjegon me rezultatet e mira fillestare të korrjes së kallamsheqerit në Brazil dhe kërkesën e dobët për import.
Çmimet e vajrave vegjetale dhe të drithërave gjithashtu kanë rënë dukshëm, përkatësisht 2,4 dhe 2,1 për qind, krahasuar me muajin maj, konstaton agjencia e OKB-së, transmeton Reuters.
Indeksi i produkteve të qumështit shënon rënie të çmimeve prej 0.8 për qind krahasuar me muajin maj, ndërsa indeksi i mishit tregon stanjacion të tyre.
Në një raport të veçantë për ofertën dhe kërkesën në tregjet e drithërave, FAO konfirmoi pak a shumë vlerësimin e prodhimit të këtij viti, duke llogaritur se ai duhet të arrijë në 2 mijë e 819 miliardë tonë, që do të thotë se do të rritet me 1.1 për qind krahasuar me vitin 2022.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Si ia futën kot Osmani e Haxhiu për “padinë për gjenocid në Strasburg”, juristët përqeshin presidenten e ministren
-
Media, halli i ‘Heroit’ të Tiranës
-
Sulmi i përsëritur ndaj dëshmitarëve dhe gjyqtarëve, Trump rrezikon arrestin
-
Gërvalla injoron të gjeturat e raportit të DASH-it e Freedom House, thotë se Kosova është në krye të luftës kundër korrupsionit
