Ushtria izraelite thuhet se ka përdorur civilët palestinezë si mburoja njerëzore në operacionet e kërkimit në tunele nën Rripin e Gazës ose në zona të tjera të rrezikshme.
Kështu u raportua nga një hetim nga Haaretz.
Gazeta izraelite mori informacion nga ushtarët dhe komandantët e IDF-së, të cilët konfirmojnë përdorimin sistematik të kësaj praktike, të cilësuar si krim lufte, për të shmangur përfshirjen e ushtarëve izraelitë në shpërthimet e minave apo pritat e Hamasit.
Tashmë në fillim të korrikut transmetuesi i Katarit Al Jazeera kishte publikuar një video në të cilën shiheshin civilë palestinezë të dërguar për të eksploruar mbetjet e shtëpive të shkatërruara, trupat e civilëve të vrarë nga bombat dhe në tunelet nën Rripin e Gazës.
Disa i kishin duart të lidhura pas shpine, të tjerë ndiqnin një litar që i drejtonte në tunelet e nëndheshme; disa ishin me të brendshme, të tjerët kishin veshur uniforma të ushtrisë izraelite, të tjerë kishin një kamerë të lidhur për të lejuar ushtarët jashtë të shihnin se çfarë kishte brenda tunelit.
Dëshmitë e mbledhura nga Haaretz konfirmuan atë që u shfaq në videon e Al Jazeera.
Ushtria tha se të moshuarit dhe fëmijët e zgjedhur nga radhët e të burgosurve në paraburgimin e ushtrisë izraelite përdoren gjithashtu si “mburoja njerëzore”.
Ndërkohë hamendësohet se edhe zyra e shefit të shtabit është në dijeni se ushtarët zgjedhin banorë të gazës për misione të caktuara.
Përgjigja e IDF-së i është besuar një zëdhënësi: “Udhëzimet dhe urdhrat e IDF-së ndalojnë përdorimin e civilëve të Gazës të kapur në terren për misione ushtarake që vënë qëllimisht jetën e tyre në rrezik. Udhëzimet dhe urdhrat e IDF për këtë çështje janë bërë të qarta. Pas marrjes së kërkesës, pretendimet i kaluan për shqyrtim organeve përkatëse”.
Amerikanët – shkruan Haaretz – janë të zemëruar, pavarësisht se Vedant Patel, zëdhënës i Departamentit të Shtetit, deklaron se forcat e mbrojtjes izraelite po hetojnë incidentet dhe se provat në video nuk pasqyrojnë vlerat e IDF dhe shkelin rregullat e rregulloret.
Marrë nga ‘Corriere della Sera”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
