Ciro Immobile nderohet me çmimin ‘Këpuca e Artë’ 2019-2020 nga Kryebashkiakja e Romës, Virginia Raggi, së bashku me Presidentin e Lazio-s, Claudio Lotito.
Ceremonia filloi në 12:30 brenda sallës Giulio Cesare në sheshin Campodoglio të Romës. Ndër të pranishmit, familja e Immobile-s feston nderimin e një prej bomberave më të mirë të Italisë dhe padyshim, njeriu që i ka dhuruar triumfe me rradhë klubit lazial.
Paralelisht me shfaqjen në sheshin Campodoglio, Lazio feston për Immobile-n nëpër mediat sociale duke postuar disa prej rasteve të tij më në fokus.
E njejta gjë vazhdoi në sallën Giulio Cesare – në një ekran gjigand, u transmetuan golat dhe momentet me domethënëse të Ciro Immobile-s nga 2019 deri më 2020.
Gjatë sezonit 2019-2020, Immobile ka shënuar 36 gola dhe ka dhënë tetë asiste në 37 ndeshje me Lazio-n. Një gol në dy paraqitjet e Kupës së Italisë dhe dy gola në katër paraqitje në Ligën Evropiane.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Amerika autorizon Ukrainën të godasë Krimenë me raketa me rreze të gjatë
-
Edhe Britania e do Asociacionin sa më shpejt që të jetë e mundur
