Cila është dhurata luksoze e Alban Skenderajt për Miriam Canin në ditëlindjen e saj?

Këngëtarja Miriam Cani, ka festuar më 30 maj ditëlindjen e saj të 38-të, e mungesë nuk shënuan as dhuratat.

Madje, kur flasim për dhuratat e ditëlindjes së Canit, nuk po llafosim për ato simboliket. Kjo sepse, bashkëshorti i saj, artisti me nam, Alban Skenderaj këtë vit e ka surprizuar gruan e tij me një dhuratë goxha luksoze.

“Më shumë nga c ‘prisja për ditëlindje. Alban Skenderaj bën rrallë dhurata, por kur i bën, i bën tamam”, ka shkruar Miriami në një imazh të publikuar në Instagram e të shkrepur brenda veturës që ia ka blerë këngëtari me rastin e ditëlindjes së saj.

Përndryshe, dyshja, Miriam e Alban, jo rrallë herë kanë publikuar projekte të përbashkëta muzikore që u përqafuan nga audienca e gjerë shqipfolëse.

Cani nuk është shumë aktive me prurje të reja muzikore, por gjithsesi, ajo numëron disa duete të veçanta me partnerin e jetës së saj.

“Zemër për mbi zemër”, mbetet kënga e fundit që ajo e solli në bashkëpunim me Skenderajn, derisa e njëjta aktualisht numëron mbi 11 milionë klikime në platformën e YouTube.

Këngë të tjera që i bashkuan dyshen brenda një projekti të vetëm janë edhe “Duamë”, “Dhurata” si dhe hitet e vjetra të publikuara shumë vite më parë – “Let me die with you” e “Ende ka shpresë”.

Po ashtu, kujtojmë se dikur Miriam Cani ishte pjesë e grupit të famshëm muzikor “Preluders” i cili ishte i njohur për realizimin e “covers”, e ai që bëri më shumë bujë ishte ripërpunimi i këngës “Losing my religjion”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.