Anësori amerikan i Chelsea, Christian Pulisic po monitorohet nga Milan. Ai nuk përshtatet me planet e trajnerit të ri të bluve, Graham Potter dhe largimi duket gjithnjë e më pranë.
Siç raporton gazeta italiane “La Gazzetta dello Sport”, kuqezinjtë po ndjekin nga afër situatën e Pulisic. Amerikani do të ishte një mundësi e shkëlqyer për sulmin e tyre, nëse Rafael Leao largohet. Me këtë të fundit që është në fokusin e Chelsea-t.
24-vjeçari, Pulisic u ble nga Chelsea te Borussia Dortmund për shifrën e 64 milionë eurove në verën e 2019.
Mirëpo, performanca e tij me skuadrën nga “Stamford Bridge” nuk ka qenë e kënaqëshme. Ai nuk ka mundur të jetë pjesë e pandarë e formacionit të parë, duke përfunduar në shumë raste në stol.
Lojtari i përfaqësueses së SHBA-ve numëron 123 paraqitje në të gjitha garat me Chelsea. 25 gola dhe 19 asistime mbajnë emrin e tij.
Pulisic ka dhe dy vite kontratë me blutë. Transfermarkt e vlerëson kartonin e tij rreth 42 milionë euro. Një shifër që mund të ulet, pasi klubi preferon ta shesë sa më shpejt.
Një tjetër profil që Paolo Maldini i pëlqen shumë është ai i Luis Sinisterra nga Leeds United. Por, ai është nënshkrim më i komplikuar pasi vetëm këtë sezon është bërë pjesë e skuadrës angleze.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë