Këshilltari i Departamentit Amerikan të Shtetit, Derek Chollet ka përshëndetur ish-ambasadoren shqiptare në SHBA, Floreta Faber, pas përfundimit të mandatit të saj në krye të misionit diplomatik.
“I thamë mirupafshim Floreta Faber teksa mbylli tetë vite produktive si Ambasadore e Shqipërisë në SHBA. Ne diskutuam integrimin në BE, mbrojtjen kibernetike dhe bashkëpunimin tonë në UNSC”, shkruan zyrtari i lartë amerikan në median sociale “X”.
Said farewell to @FloretaFaber as she wraps up eight productive years as Albanian Ambassador to the U.S. We discussed EU integration, cyber defense, and our cooperation at the UNSC. The U.S.-Albania partnership remains strong and we look forward to many more years of success.
— Derek Chollet (@CounselorDOS) August 8, 2023
Chollet garantoi se partneriteti SHBA-Shqipëri mbetet i fortë dhe autoritetet amerikane presin shumë vite të tjera suksesi.
Ambasador i ri i Shqipërisë në Shtetet e Bashkuara do të jetë ish-deputeti socialist Ervin Bushati, i cili duhet të paraqesë kredencialet e tij para presidentit amerikan Joe Biden.
Kush është Floreta Faber?
Floreta Faber ka lindur në Shkodër, më 19 mars të vitit 1968.
Ajo është diplomuar në Universitetin e Tiranës, Fakulteti Ekonomik, në Sferën e Qarkullimit në vitin 1990.
Nga viti 1993 deri në vitin 1995 ka studiuar Masterin 2-vjeçar në Programin Shkencor për Marketing dhe Strategji Ndërkombëtare në Shkollën Norvegjeze të Menaxhimit në Oslo, Norvegji, duke përfshirë një periudhë studimi si student shkëmbyes në Universitetin Shtetëror të Washington-it.
Diploma e saj Master në Marketing dhe Menaxhim Operacional është dhënë nga MB University, në Shqipëri.
Ajo ka ndjekur disa programe dhe trajnime ekzekutive, si Programi Ndërkombëtar i Udhëheqjes së Vizitorëve të Departamentit të Shteteve dhe Universitetit të Harvard-it, duke u fokusuar në programet e lidershipit, marrëdhënieve ndërkombëtare dhe diplomacisë, menaxhimit, negociatave, llogaridhënies në qeverisje, protokolleve shtetërore dhe zhvillimit të biznesit.
Faber punoi si Drejtoreshë Ekzekutive e Dhomës Amerikane të Tregtisë në Shqipëri që nga hapja e saj në vitin 2000.
Në këtë funksion Faber ka bashkëpunuar ngushtë me përfaqësuesit e qeverisë shqiptare dhe amerikane, organizatave ndërkombëtare si BE-ja dhe organizatat e biznesit në Shtetet e Bashkuara, Evropë dhe më gjerë.
Ajo ka qenë e rëndësishme për vetë organizatën dhe për zhvillimin e funksioneve si kapaciteti advokues i komunitetit të biznesit në Shqipëri.
Përvoja e punës e bëri atë të bëhet e njohur dhe eksperte në disa fusha, si: marrëdhëniet me publikun dhe qeverinë; lehtësimin e tryezave të rrumbullakëta dhe negociatave; menaxhimi i organizatave drejt suksesit; avokim në nivelet më të larta të qeverisë, organizatave ndërkombëtare dhe qarqeve diplomatike; duke luajtur një rol të madh në sjelljen e eksperiencave amerikane dhe të tjera ndërkombëtare në mjedisin shqiptar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”