Chollet konfirmon raportimin e Albanian Post: Jam me COVID, më vjen keq për shtyrjen e vizitës
Këshilltari i Departamentit Amerikan të Shtetit, Derek Chollet, ka njoftuar përmes llogarisë në Twitter se i është dashur ta anulojë vizitën në Kosovë për shkak se ka rezultuar pozitiv me COVID-19.
Albanian Post gjatë ditës ka raportuar se pikërisht virusi ishte arsye e anulimit të udhëtimit drejt Kosovës dhe vendeve të tjera të Ballkanit Perëndimor.
“Më vjen keq që do më duhet ta shtyjë udhëtimin tim drejt Ballkanit dhe Brukselit për shkak se kam rezultuar pozitiv me COVID”, shkruan Chollet në Twitter.
“Do të qëndroj i angazhuar në të gjitha çështjet në rajonin e Ballkanit dhe po pres në fillim të vitit të ardhshëm”.
I regret that I will have to postpone my trip to the Balkans and Brussels due to a positive COVID test. I will remain engaged in all of the issues in the Balkans region and look forward to making the trip early next year.
— Derek Chollet (@CounselorDOS) December 12, 2022
Chollet ishte e paraparë që së bashku me të dërguarin amerikan për Ballkanin Perëndimor, Gabriel Escobar, të takojnë pasditen e së hënës udhëheqësit e lartë të shtetit të Kosovës, ndërsa mëngjesin e së martës përfaqësues të partive politike.
Edhe përmes njoftimit të Qeverisë së Kosovës është bërë e ditur se kryeministri Albin Kurti do të presë pasdite në takim vetëm Escobarin, të hënën.
Vizita e Escobar dhe Chollet ka ardhur në kohën kur situata në Veri të Kosovës është e tensionuar.
Që nga 10 dhjetori, disa serbë lokalë në Veri ngritën barrikada dhe bllokuan rrugët që çojnë drejt pikave kufitare me Serbinë, Jarinjë dhe Bërnjak.
Veprimet e tyre u ndërmorën pasi Policia e Kosovës arrestoi ish-pjesëtarin e këtij institucioni, Dejan Pantiç, nën dyshimet për përfshirje në sulme kundër zyrtarëve të Komisionit Qendror të Zgjedhjeve në veri të Kosovës dhe atyre policorë.
Kosova dhe Serbia janë të gatshme që të de-eskalojnë situatën në Veri, ka thënë Përfaqësuesi i Lartë i Politikës së jashtme dhe të sigurisë të Bashkimit Evropian, Josep Borrell në një prononcim për gazetarë para fillimit të mbledhjes së ministrave të shteteve anëtare në Këshillimin Evropian.
Më 10 dhjetor, presidentja e Kosovës, Vjosa Osmani, pas takimit konsultativ me partitë politike lidhur me mbajtjen e zgjedhjeve në Veri, ka vendosur t’i shtyjë zgjedhjet e jashtëzakonshme për katër komunat veriore – Mitrovicë e Veriut, Leposaviq, Zubin Potok dhe Zveçan të cilat do të mbaheshin me 18 dhe 25 dhjetor.
Osmani ka thënë se zgjedhjet për këto katër komuna do të mbahen më 23 prill të vitit 2023.
Arsyeja e shtyrjes së zgjedhjeve, sipas Osmanit, është niveli i rrezikshmërisë.
Por, pavarësisht shtyrjeve të zgjedhjeve situata në Veri vazhdon të jetë e tensionuar.
Kamionë të mëdhenj dhe autobusë vazhdojnë t’i bllokojnë rrugët në fshatin Rudarë të Komunës së Zveçanit, përkatësisht në rrugën që çon drejt pikës kufitare me Serbinë – Jarinjë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet
