Paulo Dybala është njëra nga emrat më të lakuar në këtë afat kalimtar veror.
Shumë klube janë vënë pas tij, teksa së fundmi kanë shprehur interes Chelsea.
Argjentinasi konsiderohet si një prej lojtarëve më të rëndësishëm në organikën e verdhekuqve, por klauzola në kontratë bën që italianët të tremben.
Në klauzolën e vlefshme deri më datë 30 korrik, saktësohet se sulmuesi mund të largohet nga Roma nëse një klub jashtë Italisë ofron 12 milionë euro.
Mbetet për t’u parë tashmë nëse Chelsea do të marrë hapa konkretë për fituesin e Kupës së Botës dhe nëse argjentinasi do të jetë i gatshëm për një transferim në Londër teksa në më shumë se një rast sulmuesi ka shprehur dashurinë e tij për Romën.
Kujtojmë që këtë verë, blutë e Londrës nisën një revolucion duke larguar disa lojtarë që përfunduan jashtë planeve të drejtuesve dhe stafit teknik të trajnerit Mauricio Pochetino.
Kante, Koulibaly, Azpilicueta, Havertz, Mount, Kovacic, Loftus-Cheek, Mendy dhe Felix janë lojtarët që u larguan nga Londra në ditët e fundit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
