Chelsea në kërkim të një sulmuesi pas lëndimit të Brojës

Me sezonin e Armando Brojës që ka ardhur në një fund të pafat për shkak të lëndimit, Chelsea po kërkon të sjellë një sulmues të mirë për t’i dhënë një shtysë trajnerit Graham Potter dhe skuadrës së tij.

Blutë po kërkojnë të nënshkruajnë me sulmuesin 19-vjeçar të Molde, David Datro Fofana për 10 milionë euro, dhe Calciomercato po raporton se ata nuk po ndalen me kaq, duke i lidhur ata me Rafael Leao-n të AC Milan, Dusan Vlahovic të Juventusit dhe Tammy Abraham të AS Roma.

Milan-i ka qenë i lidhur më parë me Brojën, si dhe me Hakim Ziyech, por Blutë janë të fokusuar fort te Leao kur bëhet fjalë për diskutimet me ekipet e Serie A.

Do të duhen të paktën 80 milionë euro për të nënshkruar me portugezin, një shifër që nuk e ka shtyrë skuadrën e Premier Ligës teksa ata përgatitin një buxhet dhe presin përditësime mbi situatën e kontratës së 23-vjeçarit.

Marrëveshja e Leao-s përfundon në vitin 2024 dhe ka një distancë në financa për një zgjatje mes lojtarit dhe klubit, me Milani-n që ndoshta do t’i ofrojë atij 7 milionë euro në sezon.

Ashtu si Leao, Chelsea po monitoron Vlahovic-in, i cili mund të bindet të largohet nga Juventus-i për shkak të problemeve të klubit dhe largimit të fundit të presidentit Andrea Agnelli dhe pjesës tjetër të bordit.

Abraham po konsiderohet gjithashtu në prapavijë për një rikthim në Chelsea, por klubi nuk do të ishte i gatshëm të paguante opsionin prej 75 milionë euro për ta ri-nënshkruar atë nga Roma në janar, shton raporti.

Ylli i Atletico Madrid, Joao Felix, Mykhailo Mudryk i Shakhtar Donetsk dhe agjenti i lirë Cristiano Ronaldo përmenden shkurtimisht në raport si opsione të nivelit të dytë nëse zgjedhjet kryesore të Chelsea-t nuk funksionojnë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.