Chelsea ka gati 70 milionë euro për transferimin e Gordon, Everton përgjigjet – “Duam Brojën në këmbim”

Chelsea është duke tentuar ta transferojë futbollistin e Everton-it, Anthony Gordon, për të cilin janë gati t’i shpenzojnë deri në 70 milionë euro.

Drejtuesit e klubit të Everton-it janë të gatshëm ta pranojnë këtë ofertë, por kanë një kusht që të arrihet marrëveshja.

Sipas asaj që shkruajnë mediat angleze, klubi nga Liverpuli kërkon huazimin e Armando Brojës apo Conor Gallagher, në mënyrë që Gordon të mund të transferohet te blutë e Londrës.

𝗕𝗥𝗘𝗔𝗞𝗜𝗡𝗚: Everton have asked Chelsea to include either Armando Broja or Conor Gallagher on loan as part of the deal to sign Anthony Gordon.

– talkSPORT sources understand

📲 Listen ☞ https://t.co/VJgUHnqdM1 pic.twitter.com/yL4az9Bywi

— talkSPORT (@talkSPORT) August 23, 2022

Sulmuesi i kombëtares shqiptare vlerësohet shumë nga trajneri i Everton-it, Franck Lampard.

Pikërisht Lampard ishte ai që i dha debutimin Brojës në Premier Leauge me fanellën e Chelsea-t më 8 mars të vitit 2020.

Atë kohë anglezi drejtonte Chelsea-n dhe interesant është fakti që në atë datë skuadra e tij e mposhti pikërisht Everton-n me rezultat 4:0.

Sa i përket futbollistit Anthony Gordon, ai është një sulmues krahu që shkëlqeu në sezonin e kaluar me fanellën e Everton-it.

21-vjeçari numëron edhe katër ndeshje me kombëtaren U21 të Anglisë, prej të cilave ka shënuar tre gola.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.