Shefja operative e kompanisë OpenAI, e cila ofron edhe shërbimin e njohur të inteligjencës artificiale, ChatGPT, Mira Murati, ka njoftuar se duke nga tani, zyrtarisht, shërbimi për përdoruesit e smartphonëve Apple, do të kenë opsionin për ta përdorur në gjuhën shqipe aplikacionin.
Përmes një postimi në median sociale Twitter, Murati shkroi se aplikacioni i ChatGPT, është i përshtatur tashmë në iOS në gjuhën shqipe, si edhe në një sërë gjuhësh të tjera.
Ato përfshijnë anglishten, frëngjishten, gjermanishten, kroatishten dhe gjuhën koreane.
ChatGPT app for iOS now in 🇦🇱🇭🇷🇫🇷🇩🇪🇮🇪🇯🇲🇰🇷🇳🇿🇳🇮🇳🇬🇬🇧 and more to come soon!
— Mira Murati (@miramurati) May 24, 2023
Ndërkaq, shqipja është edhe një ndër gjuhët e para që i shtohet aplikacionit, duke parë faktin se vetë Murati ka prejardhje shqiptare.
Mira Murati, me origjinë nga Vlora, – e cila ka kryer studimet në Tiranë – është personi më i rëndesishëm në botën e Intelegjencës Artificiale e teknologjisë në OpenAI, startup-i pas ChatGPT.
Konkretisht, Murati është shefja e teknologjisë në ChatGPT dhe shpesh është cilësuar si truri pas gjithë këtij zhvillimi.
ChatGPT është konsideruar, chatboti më i avancuar i AI-së që është vendosur ndonjëherë në një audiencë masive.
ChatGPT dhe rreziku i Inteligjencës Artificiale, rrëfehen Mira Murati dhe Sam Altamani
Mira Murati thotë se ChatGPT-ja nuk shkel rregullat e “ligjit për privatësinë”
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
