Champions League do të nisë këtë të martë edicionin e ri 2023-24. Mes skuadrave që do të zbresin në fushën e blertë është edhe Barcelona. Kampionët e La Liga-s do të presin kampionët belg të Royal Antwerp-it, skuadrën ku luan dhe sulmuesi kuqezi, Arbnor Muja.
Takimi mes Barcelona-s dhe Antwerp-it do të luhet në “Olimpic Lluis Companys”, duke filluar nga ora 21:00.
Precedenti i vetëm midis Barcelona-s dhe Antwerp-it daton në Kupën e Panaireve Ndërqytetesh 1964-65, kur spanjollët kaluan në raundin e dytë me rezultatin e përgjithshëm 3-2 (humbje 1-2 jashtë, fitore 2-0 në shtëpi).
Antwerp ka humbur të tre ndeshjet jashtë fushe kundër kundërshtarëve spanjollë, me rezultatin e përgjithshëm 10-0. Nga ana tjetër, Barcelona nuk ka humbur kurrë një ndeshje në shtëpi kundër një ekipi belg (7 fitore), me këtë që është ndeshja e tyre e parë e tillë që nga fitorja 3-2 ndaj Brugge në shtator 2002.
Antwerp rikthehet në kompeticion për herë të parë që nga viti 1957, pas 65 vitesh, diferenca më e gjatë ndonjëherë midis dy pjesëmarrjeve për një ekip në turne.
Kjo do të jetë pjesëmarrja e 28-të e Barcelona-s në Champions League, një rekord së bashku me Real Madrid-in. Është gjithashtu paraqitja e tij e 20-të radhazi, pasi ka marrë pjesë gjithmonë në turne nga 2004-05 e në vazhdim.
Pasi ka kaluar fazën e grupeve për 19 sezone radhazi të Champions league midis 2001-02 dhe 2020-21, Barcelona nuk ka arritur të kalojë këtë fazë në secilin nga dy sezonet e fundit.
Antwerp do të jetë skuadra e shtatë belge historike që do të marrë pjesë në Champions League dhe një nga dy skuadrat që do të debutojnë në Champions League këtë vit së bashku me Union Berlin. Vetëm një nga gjashtë skuadrat e mëparshme belge ka fituar ndeshjen e parë në këtë kompeticion, me Brugge që mundi CSKA Moskën në nëntor 1992.
Barcelona ka humbur tetë nga 15 ndeshjet e fundit të Champions League, po aq humbje sa në 67 ndeshjet e mëparshme të luajtura në këtë kompeticion.
Trajneri i Antwerp, Mark van Bommel nuk ka fituar kurrë në nëntë ndeshjet e tij në Champions League si trajner, gjashtë me PSV në 2018-19 dhe tre me Wolfsburg në 2021-22. Vetëm tre trajnerë kanë grumbulluar më shumë stola pa fituar asnjëherë në garë (Frantisek Straka, Giorgos Donis dhe Stanimir Stoilov, të gjithë 12).
Që nga fillimi i sezonit 2011-12, vetëm Cristiano Ronaldo (112) dhe Lionel Messi (92) kanë shënuar më shumë gola në Champions League se sulmuesi i Barcelona-s Robert Lewandowski: 91, përfshirë 60 në 60 paraqitjet e fundit në kompeticion.
Lamine Yamal i Barcelona-s mund të bëhet lojtari më i ri në historinë e Champions League që nis një ndeshje, në moshën 16 vjeç e 68 ditë. Në përgjithësi, vetëm Youssoufa Moukoko i Borussia Dortmund-it ka luajtur një ndeshje në kompeticion në një moshë më të re se Yamal në ditën e kësaj ndeshje (16 vjeç e 18 ditë kundër Zenit St. Petersburg në dhjetor 2020).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
