Çfarë ndërhyrje estetike bëri Nicki Minaj pas “Met Gala 2022”?

Rep artistja, Nicki Minaj ka zbuluar se dalja nga pamja e saj në “Met Gala” në vitin 2022 është ajo që “çimentoi” zgjedhjen e saj për t’iu nënshtruar reduktimit të gjoksit.

Minaj, e cila feston sot ditëlindjen e 41-të (8, dhjetor) zbuloi arsyetimin e saj teksa u shfaq në rubrikën “Life In Looks” të revistës Vogue.

“Sapo kuptova pikërisht në atë moment se në të vërtetë kishte diçka të mirë që doli nga kjo”, vuri në dukje ajo teksa iu shfaq një foto nga nata më e madhe e modës.

“Është ajo që vërtet më forcoi faktin që duhej të zvogëloja gjoksin tim”, shpjegoi tutje ajo.

Minaj gjithashtu vuri në dukje se asaj i “pëlqente” pamja në kohën e krijimit dhe veshjes të saj, por parashikoi që gjoksi i saj do të shkaktonte një problem.

Minaj, emri i vërtetë Onika Maraj, dhe njëkohësisht është nënë e një fëmije, zbuloi momentet e fundit para daljes publike në “Met Gala”.

“Dhe në kohën kur ne ishim gati për të shkuar, unë u pashë në pasqyrë, thashë: ‘Djema, gjinjtë e mi ende po duken shumë të ekspozuar”.

Këngëtarja vuri në dukje gjithashtu se ajo “e dinte para se të dilnim nga dhoma se ata do të kishin fokusin kryesor të fotografëve, do të kishin një natë të tyren”.

Teksa po bënte një intervistë në tapetin e kuq atë natë, ajo madje i komentoi ato teksa mbante me kujdes duart mbi gjoksin e saj.

“E vetmja gjë e paplanifikuar në pamjen time është ky ekspozim i tepruar, sepse e bënë madhësinë e fustanit pak më të vogël”, tha ajo në intervistë.

Ajo shtoi me shaka “kënaquni me këto gjëra, sepse të gjithë nuk do ta shihni më kurrë”.

Qershorin e kaluar, artistja nga Bronx zbuloi me krenari “gjinjtë e saj të rinj” në një klip në rrjetet sociale duke promovuar bashkëpunimin e saj me Ice Spice.

Më pas, ajo u u fut ‘live’ në Instagram të majit tº vitit 2022, në të cilën krijuesja e hiteve “Starships” shprehu interesin e saj për operacionin e zvogëlimit të gjoksit.

“Unë nuk do të gënjej, dikush më tha të hiqja gjoksin, si një femër në industri”, tha ajo në atë kohë.

Në intervistën e saj në kopertinën e nëntorit të vitit 2023 me Vogue, ajo foli për operacionin e saj estetik duke thënë: “Në fakt, më pëlqen”.

Ajo ka reflektuar, duke përfunduar se “i duket vetja budallaqe kur e shikon kohën e shkuar, dhe dëshirat e saj për të pasur asete me super forma (jonatyrale)”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.