Çerimagiç: Sulmi në veri të Kosovës tregoi se partnerët e Rusisë s’kanë hequr dorë nga rivizatimi i kufijve në rajon
Adnan Çerimagiç, analist për Ballkanin Perëndimor nga Inciativa Evropiane për Stabilitet (ESI), në një intervistë për gazetën boshjnake “Slobodna Bosna” të mërkurën, tha se sulmi i paramilitarëve serbë në Banjë të Zveçanit – komunë e banuar me shumicë serbe – në veriun e Kosovës, tregoi se partnerët e Rusisë nuk kanë hequr dorë nga rivizatimi i kufijve.
Duke qenë se premtimi për anëtarësimin e gjashtë vendeve të rajonit në Bashkimin Evropian (BE) siguroi më shumë se dy dekada paqe në Ballkanin Perëndimor, ai konsideroi se dobësia e BE-së për momentin qëndron se qytetarët dhe politikanët në këtë rajon të rrethuar nga armiqësitë etnike, veçanërisht në Serbi, kanë humbur besimin në perspektivën evropiane.
E duke marrë për bazë faktin se peisazhi politik në Ballkanin Perëndimor dominohet kryesisht nga një përzierje e politikës autoritare, ndikimit rus, krimit të organizuar dhe mosmarrëveshjeve territoriale, studiuesi boshnjak deklaroi se kjo gjendje përdoret nga Rusia për destabilizimin e mëtejmë të rajonit, veçanërisht nga “partnerët rusë” në Ballkanin Perëndimor.
“Duke parë zhvillimin e situatës brenda dhe rreth BE-së, partnerët e Rusisë binden gjithnjë e më shumë se arkitektura e rajonit tonë nuk është plotësisht e përfunduar dhe se ndoshta, aktet e njëanshme, armët apo dhuna, mund të shkojnë ende në favor të tyre”, theksoi Çerimagiç, megjithëse shtoi se BE-ja ende mund ta kthej situatën në favor të Ballkanit Perëndimor.
“Megjithatë, jam i bindur se BE-ja ende mund ta kthejë situatën në rajon në favorin e saj dhe tonën, por që kjo të ndodhë, duhet të ofrojë një rrugë konkrete dhe realiste për të arritur vizionin e rajonit evropian. Në radhë të parë i referohem tre anëtarëve të NATO-s – Malit të Zi, Shqipërisë dhe Maqedonisë së Veriut – që të anëtarësohen brenda dekadës”, nënvizoi ai.
Shumë vëzhgues deklarojnë se perspektiva e rrëshqitjes drejt skajeve të krizës nuk mund të izolohet; derisa krijohen kushte të favorshme për lojtarët lokalë serbë të lidhur me interesat ruse që të zgjerojnë hijen kërcënuese dhe të provokojnë konflikte rajonale nën mbështetjen e heshtur të Rusisë, rreziku i përshkallëzimit të dhunës tani rri i varur mbi mbarë Ballkanin Perëndimor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Minatorët në protestë para Kuvendit, tentojnë të hyjnë në godinë
-
Aministia Penale, Alibeaj: Pranuat se janë liruar të dënuar nga GJKKO
-
Siljanovska Presidente e re e RMV-së, VMRO merr 58 deputetë, “Fronti Evropian” 19, LSDM 18, “VLEN 13
-
KPK e konfirmoi në detyrë, kërkohet shkarkimi i Prokurorit Erjon Shqarri
Lajmet kryesore
-
Siljanovska Presidente e re e RMV-së, VMRO merr 58 deputetë, “Fronti Evropian” 19, LSDM 18, “VLEN 13
-
Manja i përgjigjet Alibeajt: 8 të dënuar nga GJKKO-ja përfituan nga Amnistia, nuk janë simbol i korrupsionit
-
Trajnuesit ushtarakë perëndimorë mund të shkojnë në Ukrainë, thotë ministri i Lituanisë
-
Konjufca: Kosova në KiE pa kushtëzime shtesë