Komisioneri Shtetëror i Zgjedhjeve, Ilirjan Celibashi, të enjten e 6 majit, gjatë një vizite në Lundër, ka deklaruar se vazhdon puna për identifikimin e rasteve nëse një person ka votuar më shumë se një herë.
Në rast se Komisioni Qendror i Zgjedhjeve vëren se, gjatë identifikimit biometrik një person ka votuar më shumë se një herë, materialet do t’i kalojnë Prokurorisë.
Kjo e fundit, sipas Celibashit, do të vijojë marrjen e masave të nevojshme për hetim më të thelluar.
Sipas komisionerit, deri më tani janë identifikuar vetëm shenjat e operatorëve, të cilët kanë vendosur gishtin disa herë.
Për këtë çështje, ai thotë se kjo ka ardhur si pasojë e mos-trajnimit të duhur.
“Operatorët, ndoshta jo mirë të trajnuar, kanë menduar që nuk do të ishte problem nëse do ta vendosnin gishtin disa herë. Nëse do të jenë këta, mendoj që do të jemi para rastit të aksidentit teknik, pa qëllim për të ndikuar në procesin zgjedhor”.
Por, Celibashi theksoi faktin se, në rast se rezulton e kundërta, dhe verifikohet një votues se ka vendosur gishtin në më shumë se një herë “është i detyruar të japë shpjegime në çfarë rrethanash ka ndodhur kjo gjë”.
“Qëllimi i pajisjes ishte të regjistronte gjurmët e gishtave të votuesve”, e mbyll Celibashi.
Në zgjedhjet parlamentare të 25 prillit, për herë të parë, identifikimi i votuesve u bë nëpërmjet pajisjes elektronike të identifikimit biometrik.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës