“Çdo korridor është më i mirë se ai i Rusisë”

“Vala e njerëzve që dalin nga kryeqyteti i Ukrainës me tren është lehtësuar, por jo aq sa duhet”, shkruan agjencia mediatike BBC.

Me të zbritur shkallët në nënkalimin e stacionit, vihen re fytyra të lodhura. Dhjetra shikime pa shprehje. Njerëz që kanë pritur deri në ditën e 12-të të këtij pushtimi përpara se të marrin vendimin e dhimbshëm për të lëvizur gjithë jetën e tyre në siguri.

Kriza humanitare në këtë luftë po thellohet.

Pra, a do të mendonin njerëzit këtu të shkojnë kundër valës dhe të pranojnë ofertën e vet Rusisë për një rrugëdalje nga ky konflikt?

“Kurrë!” thotë Alina. “Sidomos për Rusinë! Jo, është më mirë këtu ose në vendet evropiane, por jo në Rusi.”

“Ata nuk e thonë kurrë të vërtetën”, thotë një burrë tjetër, duke e shtyrë fëmijën e tij në një karrocë. “Nuk mund t’u besoni atyre kurrë.”

Për kaq shumë ukrainas, kjo luftë ka të bëjë me rezistencën ose arratisjen nga kontrolli i Rusisë. Dhe, të shkosh atje është e paimagjinueshme.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.