Çastet e fundit tragjike – Si vdiq ekuipazhi i nëndetëses Titan, shtypur nga presioni atmosferik?

Çastet e fundit të jetës për ekuipazhin e nëndetëses Titan kanë qenë me të vërtetë tragjike, të shtypur nga presioni shumë i madh atmosferik i thellësisë detare, i cili shkakton një vdekje të menjëhershme.

Megjithatë, ky është “skenari më i mirë i një vdekjeje nënujore”, sipas ish-fizikanit të Marinës amerikane, Dale Mole.

Ky i fundit ka shpjeguar se një rast tjetër, ku anëtarët do të kishin vdekur për shkak të mungesës së oksigjenit, do të ishte shumë herë më tragjik, pasi do të kishte shkaktuar tek ekuipazhi vuajtje të jashtëzakonshme dhe agoni, pa mundësi për të marrë frymë dhe në temperatura të ftohta ekstreme.

Nëse skena do të rikrijohej, shpërthimi i nëndetëses (në të vërtetë një shtypje brenda vetes më shumë se shpërthim), do të linte pas vetëm mbetje sporadike të mjetit dhe trupat praktikisht do të shpërbëheshin nga ndryshimi i menjëhershëm i trysnisë nënujore.

Në terma konkretë, në thellësinë që gjendet anija legjendare Titanic dhe ku nëndetësja humbi përfundimisht gjurmët, presioni atmosferik është thuajse 500 herë më i lartë se sa ai në sipërfaqen e tokës.

Pra, një tragjedi e vërtetë, e cila ndodh ironikisht në tragjedinë detare më të famshme të historisë!

Zyrtarizimi i ngjarjes

Roja Bregdetare amerikane nuk lë më asnjë dyshim dhe asnjë interpretim për ngjarjen: Nëndetësja Titan ka shpërthyer në afërsi të anijes legjendare Titanic dhe të pesë personat në ekuipazh kanë humbur jetën tragjikisht.

Kjo ka qenë deklarata e dhënë, duke garantuar se procedurat më të larta janë ndjekur dhe është vërtetuar se mbetjet e gjetura në shelfin detar pranë anijes Titan, janë pjesë e bishtit të nëndetëses dhe shkaku që ajo janë gjetur aty, është për faktin se presioni i lartë atmosferik nuk është përballuar nga Titan dhe mjeti ka shpërthyer.

Nga Admirali i dytë i Marinës amerikane, Jon Mauger, u bë fillimisht me dije se mbetjet e gjetura ishin rreth 500 metra larg një pjese të asaj çfarë mbetet nga Titanic.

Për shkak të aksidentit të ndodhur siç mendohet ekzaktësisht në këtë zonë, trupat e viktimave mendohet se nuk do të rikuperohen asnjëherë, pasi presioni i lartë atmosferik në atë thellësi, mundet ti ketë shpërbërë.

Edhe në një rast kur mbetje të tyre mund të kenë qëndruar të pacenuara nga presioni, mjedisi nënujor rreth asaj zone, siç e përshkroi Mauger, është “i pamëshirshëm”.

Hapat e radhës që do të ndiqen, do të jenë largimi gradual i gjithë trupave të kërkimit që gjenden në zonë dhe një deklaratë tjetër lidhur me rastin nuk pritet.

Ndërsa, mbi përfundimet se pse e gjithë tragjedia ndodhi, duhet të vlerësohen me kujdes gjithë elementët e rastit, me ekspertë të posaçëm të fushës dhe me të dhëna përmbajtësore.

Po ashtu, kompania prodhuese e nëndetëses, OceanGate, njoftoi më parë se ekuipazhi ishte tashmë i humbur dhe nuk ka shpresë kthimi pas.

“Tashmë besojmë se drejtori ekzekutiv, Stockton Rush, Shahzada Dawood dhe i biri i tij Suleman, Hamish Harding dhe Paul-Henri Nargolet, fatkeqësisht janë humbur”.

E tillë është deklarata sa duket e “dorëzimit” nga kompania OceanGate, prodhuese e nëndetëses Titan, e cila humbi gjurmët të dielën, teksa po eksploronte zonën rreth anijes legjendare të mbytur, Titanic.

“Kjo është një kohë jashtëzakonisht e trishtuar për punonjësit tanë të përkushtuar, të cilët janë të rraskapitur dhe të pikëlluar thellë për këtë humbje. E gjithë familja OceanGate është thellësisht mirënjohëse për burrat dhe gratë e panumërta nga organizata të shumta të komunitetit ndërkombëtar që përshpejtuan burime të gjera dhe kanë punuar kaq shumë në këtë mision”.

Kështu shkruhet në një deklaratë shtypi nga vetë kompania.

Çfarë ndodhi?

Nëndetësja ishte pjesë e një ekspedite tetë-ditore për në Titanik e kryer nga OceanGate Expeditions.

Kërkimet janë përqendruar rreth vendit të mbytjes së anijes, rreth 900 milje larg bregut të Cape Cod.

Ajo filloi zbritjen e saj dy-orëshe të dielën në mëngjes, por humbi kontaktin me Polar Prince, anija mbështetëse që e transportoi në vend, më pak se dy orë pas zbritjes së saj.

Operacionet e kërkimit filluan më vonë atë ditë.

Marina e SHBA po dërgon ekspertë dhe një “Sistemi i shpëtimit të thellë të oqeanit Flyaway” – i cili mund të ngrejë anije të vogla.

Ushtria amerikane po lëviz asetet ushtarake dhe komerciale, sipas Gardës Bregdetare dhe Komandës së Transportit të SHBA.

Franca tha se ka dërguar një anije me një robot nënujor.

Ka pesë persona në nëndetëse, sipas autoriteteve të shumta.

Një prej tyre është Stockton Rush, CEO dhe themelues i OceanGate, kompania që udhëheq udhëtimin, sipas një burimi me njohuri për planin e misionit.

Të tjerët janë biznesmeni britanik, Hamish Harding, miliarderi pakistanez, Shahzada Dawood dhe djali i tij, Sulaiman Dawood dhe zhytësi francez, Paul-Henri Nargeolet.