Cara Delevingne ka krijuar një vepër artistike konceptuale për vaginën e saj: NFT

“Fjala ime e parë ishte ‘e imja’. Për mua, kjo do të thotë diçka që është më e imja, vagina ime”, thotë modelja e zhveshur dhe pa grim para kamerës ndërsa fjalët e shkruara me dorë shfaqen në ekran. “Unë e zotëroj atë. Është e imja dhe e askujt tjetër. Unë zgjedh se çfarë të bëj me të. Dhe askush nuk mund ta merr atë nga unë.”

Pjesa, e titulluar Mine, është NFT unike e krijuar në bashkëpunim me artistin anonim Chemical X, i cili më parë ka punuar me Banksy dhe Damien Hirst, për faqen e tij të re ThisIsNumberOne.com.

Platforma do të shfaqë gjithashtu vepra arti digjitale nga superylli i DJ Fatboy Slim, Dave Stewart nga dyshja e muzikës Eurythmics dhe Brit Orbital.

Para se të shkojmë më tej, me siguri po pyesni se çfarë është një NFT.

NFT do të thotë Non-Fungible Token dhe është në thelb një vepër arti digjitale unike që jeton në blockchain.

Çdokush mund ta shikojë punën (për shembull, mund të shikoni NFT-në e plotë të vaginës së Delevingne më lart), por vetëm një person e zotëron atë.

Është biznes i madh dhe NFT-të kanë filluar të shiten për miliona. Në mars, vepra e një artisti digjital të njohur si Beeple u shit në ankand në Christie’s për 69 milionë dollarë, disa muaj më parë dikush ofroi 400,000 dollarë për një videoklip 50 sekonda nga Grimes dhe në fillim të këtij viti DJ Steve Aoki shiti koleksionin e tij të NFT-ve për 4.25 milionë dollarë.

Delevingne është një fanse e formatit dhe ka blerë vetë një Chemical X NFT për 100,000 dollarë.

Të gjitha të ardhurat nga veprat artistike të aktores do të shkojnë për fondacionin e saj Cara Delevingne, i cili mbështet të drejtat e grave, komunitetin LGBTQ, shëndetin mendor dhe kauzat e mjedisit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.