Cambridge-1, superkompjuteri britanik i përparimeve mjekësore

Në Mbretërinë e Bashkuar, superkompjuteri më i fuqishëm, për të cilin krijuesit shpresojnë se do ta bëjë procesin e parandalimit, diagnostikimit dhe trajtimit të sëmundjes në një mënyrë më të mirë, më të shpejtë dhe më të lirë, është funksional.

Agjencia e lajmeve, The Guardian, tregon se superkompjuteri i pagëzuar me emrin Cambridge-1, përfaqëson një investim prej 100 milionë dollarësh nga kompania kompjuterike Nvidia me bazë në Shtetet e Bashkuara të Amerikës.

Fuqia qëndron te inteligjenca artificiale, e cila ndërthur të dhëna të mëdha me shkencën kompjuterike për të lehtësuar zgjidhjen e problemeve në sferën e kujdesit shëndetësor.

“Nëse mund të imagjinoni të grumbulloni 10 frigoriferë radhazi dhe më pas të keni disa rreshta të atyre frigoriferëve, kjo është madhësia dhe forma e këtij kompjuteri”, ka thënë Kimberly Powell, nënkryetare e kujdesit shëndetësor në Nvidia.

Tanimë, Britania e Madhe ka bërë hapa përpara me grupe të dhënash masive të tilla si UK Biobank, e cila përfshin anonime të rekordeve mjekësore dhe të jetesës nga gjysmë milioni britanikë të moshës së mesme.

Për sa i përket kujdesit shëndetësor, inteligjenca artificiale po lulëzon në Mbretërinë e Bashkuar, me një varg startup-esh dhe kompani të mëdha farmaceutike që nxjerrin sasi të mëdha të të dhënave në dispozicion për të zbuluar ilaçe të mundshme.

Kjo edhe që të identifikojnë pse disa njerëz janë të ndjeshëm ndaj sëmundjeve të caktuara dhe të përmirësojnë dhe personalizojnë kujdesin ndaj pacientit.

The Guardian zbulon se projektet e para të Cambridge-1 do të jenë me AstraZeneca, GSK, fondacionin NHS të Guy-t dhe St Thomas, King’s College në Londër dhe Oxford Nanopore.

Ata do të kërkojnë të zhvillojnë një kuptim më të thellë të sëmundjeve, të hartojnë barna të reja dhe të përmirësojnë saktësinë e gjetjes së variacioneve që shkaktojnë sëmundje në gjenomet e njeriut.

Doktor Kim Branson, kreu global i inteligjencës artificiale dhe të mësuarit mekanik në GSK, ka thënë se një mënyrë kryesore që superkompjuteri mund të ndihmojë është në kujdesin e pacientit.

Për shembull, në fushën e imuno-onkologjisë, ilaçet ekzistuese shfrytëzojnë sistemin imunitar të vetë pacientit për të luftuar kancerin. Por nuk është gjithmonë e dukshme se cilët pacientë do të përfitojnë më shumë nga këto ilaçe. Një pjesë e këtij informacioni fshihet në imazhin e tumoreve dhe në të dhëna numerike që gjenden në gjak.

Prandaj dhe Cambridge-1 mund të jetë thelbësor për të ndihmuar bashkimin e këtyre grupeve të ndryshme të të dhënave dhe ndërtimin e modeleve të mëdha për të ndihmuar në përcaktimin e kursit më të mirë të trajtimit për pacientët, ka sugjeruar Branson.

The Guardian shkruan se zhvillimi tradicional i ilaçeve është i shtrenjtë, i zgjatur dhe vjen me një shans të ulët për sukses. Dhe ideja që makineritë mund t’i largojnë studiuesit nga gjerësia e burimeve që duhen për të zbuluar një përbërës potencialisht të fuqishëm dhe për të përcaktuar kushtet mjekësore që mund të përdoren për të trajtuar është premtuar prej kohësh.

Roel Bulthuis, kreu i ekipit të kujdesit shëndetësor në Inkef Capital, një fond holandez i kapitalit të sipërmarrjes i përqendruar në teknologji dhe kujdes shëndetësor, ka thënë se teknologjia është ende në ditët e saj të hershme dhe buja ende nuk është realizuar plotësisht.

“Është shumë mirë ta shohësh në ekosistemin e Mbretërisë së Bashkuar”, ka thënë ai për superkompjuterin. “Shumë sisteme evropiane të kujdesit shëndetësor nuk janë aq të përparuar në të menduarit e tyre për përdorimin e të dhënave dhe integrimin e tyre në sistemin e kujdesit shëndetësor”.

Për shkak të burimeve të mëdha të të dhënave, Britania e Madhe ka gjithë përbërësit për të përfituar nga kjo aftësi llogaritëse. Por dhe grupe të mëdha të të dhënave të strukturuara si Biobank në Mbretërinë e Bashkuar. Si dhe qasje në një gamë të gjerë të klinicistëve përmes NHS-së.

Branson i GSK-së ka theksuar se kjo është përparësi pasi në asnjë vend tjetër nuk ka një infrastrukturë të tillë me këtë madhësi. “Kjo është arsyeja pse GSK ndërtoi një ekip të inteligjencës artificiale dhe qendra të saj në Londër dhe jo në San Francisco, ku unë jam”

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.