Në Bundesligë, ndeshjet e së shtunës do jenë interesante, ku do fillojnë në ora 15:30 me Bayern Munich dhe do përfundojnë me duelin mes RB Leipzig dhe Borussia Dortmund në 18:30.
Ndeshja e parë e ditës do luhet në ora 15:30, në Allianz Arena mes Bayern Munich dhe Freiburg.
Të dy skuadrat po kalojnë formë jashtëzakonisht të mirë, ku Bayern ka katër fitore dhe vetëm një humbje në pesë ndeshjet e fundit.
Ndërsa Freiburg në anën tjetër ka katër fitore dhe një barazim në pesë ndeshjet e fundit.
Momentalisht Bayern Munich radhiten në pozitën e parë me 25 pikë, ndërsa Freiburg janë në vendin e tretë me 22 pikë.
Pas përfundimit të duelit mes Bayern dhe Freiburg, do të luhen edhe tre ndeshje të tjera në ora 15:30, të cilat janë:
Bochum – Hoffenheim
Stuttgart – Arminia Bielefeld
Wolfsburg – Augsburg
Për të përmbyllur të shtunën në Bundesligë, do përkujdesen RB Leipzig me Borussia Dortmund.
Dortmund do synojnë pikët maksimale dhe pozitën e parë, pasi ka vetëm një pikë më pak se Bayern-i.
Të dy skuadrat po kalojnë një formë mesatarisht të mirë, ku Dortmund ka tre fitore dhe dy humbje në pesë ndeshjet e fundit.
Kurse Leipzig ka dy fitore, dy barazime dhe një humbje në pesë ndeshjet e fundit.
Deri më tani, Dortmund radhitet e dyta me 24 pikë, ndërsa Leipzig është në vendin e tetë me 15 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit
