![](https://albanianpost.com/wp-content/uploads/2021/12/RB-Leipzig-vs-Union-BL1.jpg)
Një ndeshje do të luhet këtë të premte në Bundesliga-n gjermane. Union Berlin-i vendas do të përballet me Leipzig-un për javën e 14 të kampionatit.
Sfida është pikërisht ndeshja hapëse e javës 14. Javë e cila do të vijojë edhe në fundjavë. Kryesfida e kësaj jave do të luhet të shtunën mes Bayern Munich-ut dhe Borussia Dortmund-it.
Duke filluar nga ora 20:30, në stadiumin “An der alten Forsterei” Union-i do të përballet me Leipzig-un. Dy pikë më shumë kanë vendasit në tablen e renditjes. Përkatësisht, 20 pikë vendasit dhe 18 pikë miqtë.
Në klasifikim, Union-i gjendet në vendin e gjashtë. Leipzig-u në vendin e tetë. Zona Champions është vetëm dy pikë larg për Union-in dhe katër pikë për Leipzig-un.
Të dy skuadrat do të kërkojnë rikthimin te fitorja në kampionat, pasi kanë humbur ndeshjen e fundit. Vendasit humbën përballë Eintracht Frankfurt-it (2-1) dhe miqtë përballë Bayer Leverkusen-it (3-1).
Për t’u theksuar është fakti që këtë sezon, Leipzig-u nuk ka asnjë fitore në transfertë. Ata janë ndalur në tre humbje dhe tre barazime.
Takimi i fundit mes dy skuadrave është luajtur para gjashtë muajsh. Në po këtë stadium, ishte Union-i që triumfonte me rezultatin 2-1.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com