Vende

Bumi i turizmit në vendet historike të Tibetit


Turistë pranë një murale të madhe që përshkruan presidentin kinez Xi Jinping, në një shesh pranë Pallatit Potala, në Lhasa, në Rajonin Autonom të Tibetit të Kinës perëndimore.

Turizmi po lulëzon në Tibet ku shumë kinezë udhëtojnë në vend. Për shkak të pandemisë së coronavirusit po paraqitet rrezik për mjedisin e brishtë të rajonit dhe vendet historike.

Prandaj dhe numri i vizitorëve është i kufizuar deri në 5 mijë në ditë në Pallatin Potala, ish-shtëpia e Dalai Lamas. Sipas administratorit Gonggar Tashi, balancimi i kërkesës turistike me nevojën për të minimizuar konsumimin është një sfidë e vazhdueshme.

“Sfida më e madhe për ne është kontradikta midis mbrojtjes dhe përdorimit të relikteve kulturore” u tha Tashi gazetarëve në Lhasa, kryeqyteti tibetian.

Ai foli gjatë një turneu të organizuar nga qeveria që u dha gazetarëve të huaj qasje të rrallë në Tibet. E gjitha ishte nën vëzhgimin e zyrtarëve që vendosën agjendën.

Miliona vizitorë shkojnë në Tibet çdo vit. Zëvendës drejtori i Shoqatës së Kinës për Marketing të Turizmit, Ge Lei, deklaroi se 2020-a pa një rritje prej 12.6% nga një vit më parë. Ai pret që numri i vizitorëve të dyfishohet deri në vitin 2026.

Turistët tërhiqen nga “mistika dhe miti i Tibetit si një tokë e largët e lidhur me dëborë”, tha gjeografi kulturor, Travis Klingberg, në “NYU Shanghai”. “Por Tibeti është bërë një vend i peizazheve të bukura natyrore domethënëse për kombin kinez”.

Tibeti ka zhvendosur vëmendjen e tij nga vizitorët ndërkombëtarë tek vizitorët vendas. Ndërsa një profesoreshë e gjeografisë në Universitetin e Colorado Boulder, Emily Yeh, shtoi se klasa e mesme e Kinës është rritur.

Tibetianët ndonjëherë janë ankuar për turistët kinezë që nuk respektojnë traditat kulturore. Duke përfshirë shkeljen e flamujve të lutjes.

Ndër vendet më të njohura natyrore është Liqeni Namtso. Ky i fundit është i rrethuar nga maja të mbuluara me dëborë dhe faltore Budiste, me tufa jaku dhe zogj migrues në horizont.

Turist kinez në majë të një “white yak”  që drejtohet nga një burrë tibetas në Namtso, në Rajonin Autonom të Tibetit të Kinës perëndimore.
Turistët që presin të ngjiten në një zonë të brendshme në Pallatin Potala në Lhasa në Rajonin Autonom të Tibetit të Kinës perëndimore.
Një grua me veshje etnike duke rregulluar krevatët në shtëpinë e saj turistike në fshatin Zhaxigang afër Nyingchi në Rajonin Autonom të Tibetit të Kinës perëndimore.
Turistët ecin përgjatë bregut të detit në Namtso, në Rajonin Autonom të Tibetit të Kinës perëndimore.
Një turist kinez me veshje tibetiane pozon për një foto në një oborr në Pallatin Potala, në Lhasa në Rajonin Autonom të Tibetit të Kinës perëndimore.
Turistët në Pallatin Potala, në Lhasa, në Rajonin Autonom të Tibetit të Kinës perëndimore.
Turistet kinezë me veshje tibetiane pozojnë për një foto në një shesh pranë Pallatit Potala, në Lhasa, në Rajonin Autonom të Tibetit të Kinës perëndimore.

/Albanianpost.com


Lajmet kryesore