![](https://albanianpost.com/wp-content/uploads/2022/11/unnamed-file.gif)
Bullgaria, Kroacia dhe Rumania “janë gati të bashkohen” në zonën e udhëtimit pa viza të Evropës.
Kështu deklaroi sot më 16 nëntor, komisionerja evropiane për Çështjet e Brendshme, Ylva Johansson.
Sipas saj, këto vende – të gjitha anëtare të Bashkimit Evropian – kanë provuar fuqishëm, se mund të plotësojnë kushtet e nevojshme për të marrë pjesë.
“Secili vend ka punuar prej vitesh për të fituar pranimin në zonën Shengen të udhëtimit të lirë, e cila mund të sjellë përfitime për vendet e përfshira duke lehtësuar lëvizjen si të turistëve ashtu edhe të banorëve”.
Johansson theksoi se treshja kishte bërë punën e nevojshme, duke përfshirë përmirësimin e menaxhimit të kufirit, sigurimin e bashkëpunimit ndërkufitar për zbatimin e ligjit dhe miratimin e vizës uniforme Shengen.
Pas Bullgarisë, Kroacisë dhe Rumanisë, Qiproja dhe Irlanda janë të vetmet vende të tjera të BE-së që nuk janë pjesë e zonës Shengen.
Jo të gjitha vendet e BE-së janë të entuziazmuar me hyrjen e të treve në klubin e udhëtimit të lirë, me anëtarë si Suedia që shprehin shqetësime për krimin e organizuar dhe korrupsionin në këto vende. Por Parlamenti Evropian ka mbështetur BE-në për të vepruar.
Miratimi i Komisionit Evropian synon të japë vrull prapa ofertës së treshes për t’iu bashkuar Shengenit.
Johansson tha se çështja më pas do t’i shkojë ministrave të punëve të brendshme të BE-së, të cilët pritet të diskutojnë çështjen në një takim më 8 dhjetor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parisi i dhuron botës ceremoninë më madhështore në historinë e Lojërave Olimpike
-
Ethet Oropuche, dy vdekjet e para në botë regjistrohen në Brazil
-
Kina dhe Rusia organizojnë patrullën e parë të përbashkët bombarduese pranë Alaskës
-
Tre anëtarë të dyshuar të IS në Belgjikë akuzohen për planifikimin e një sulmi terrorist