Milwaukee Bucks ka ngushtuar serinë e ndeshjeve finale në NBA ndaj Phoenix Suns në 2:1, duke fituar në ndeshjen e tretë me rezultat 120:100.
Seria më e mirë e Bucks, ishte në periodën e dytë të cilën e mbyllën me 12 pikë epërsi, 37:25, rezultat ky i cili edhe përcaktoi fatin e ndeshjes, pasi që dy periodat e ardhshme ishin me rezultat të ngushtë.
Perioda e tretë, ishte në epërsi të Bucks 38:31, derisa të katërtën e humbën me shifrat 22:24, për rezultatin përfundimtar 120:100.
I papërmbajtshëm në këtë sfidë ishte Giannis Antetokounmpo, i cili shënoi 41 pikë, 13 kërcime dhe 6 asistime.
Përveç Antetokounmpo-s, për Milwaukee u paraqitën mirë në këtë duel edhe Jrue Holiday i cili realizoi 21 pikë, 5 kërcime dhe 9 asistime, si dhe Khris Middelton që shënoi 18 pikë, 7 kërcime dhe 6 asistime.
Ndërsa, për skuadrën e Phoenix Suns, nuk shfaqi versionin e saj më të mirë treshja Davon Booker, Chris Paul, DeAndre Ayton.
Davon Booker e mbylli ndeshjen me vetëm 10 pikë, derisa Chris Paul dhe DeAndre Ayton realizuan 19 respektivisht 18 pikë.
Ndeshja e katërt finale do të zhvillohet në Milwaukke të enjten në ora 03:00, me skuadrën vendase që do të jetë e favorizuar pasi deri tani diferencën në serinë mes tyre e ka bërë palestra vendase.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Gërvalla: Draft-statuti i Asociacionit është Republika Serbe, por e pranojmë në pako
-
SPAK sekuestron mbi 3 milionë euro pasuri të ish-shefit të Operacionales, Oltion Bistri
-
Ish-spiuni i Policisë Sekrete të Kinës zbulon operacionet, që synojnë disidentët në Australi dhe jashtë saj
-
Osmani: BE-ja s’po na tregon çfarë të bëjmë për t’u anëtarësuar – ka krijuar bllokadë për çështje të brendshme politike