Shefi i Diplomacisë së Bashkimit Evropian, Josep Borrell, ka folur për samitin e liderëve të Bashkimit Evropian dhe Ballkanit Perëndimor në të cilin Kosova do të përfaqësohet nga presidentja, Vjosa Osmani.
Ky Samit, sipas tij, është i rëndësishëm dhe synon të krijojë lidhje më të ngushta midis BE-së dhe Ballkanit Perëndimor.
“Zgjerimi është një investim gjeo-strategjik në paqe, siguri dhe prosperitet”, ka shkruar ai në platformën sociale, X.
Konkluzionet e Këshillit të Ministrave
Ndryshe një ditë para takimit të liderëve të Ballkanit Perëndimor me ata të BE-së, ministrat e vendeve anëtare të Unionit, miratuan pakon e zgjerimit dhe konkluzat, ku në pjesën për Kosovën dhe Serbinë theksohej se detyrimet e dala nga Marrëveshja Bazë do përfshihen në proceset evropiane të dy vendeve.
Kjo nënkupton që në rastin e Kosovës do përditësohet agjenda e Grupit të veçantë të Kosovës për normalizim, ndërsa në rastin e Serbisë detyrimet do përfshihen në negociatat e anëtarësimit mes Brukselit e Beogradit.
Ndër të tjera në konkluzat e miratuara nga ana e Këshillit të Ministrave u kërkua nga Kosova dhe Serbia që t’i zbatojnë të gjitha obligimet që dalin nga marrëveshjet e dialogut të lehtësuara nga BE-ja, pa parakushte dhe pa vonesa, duke u shprehur keqardhja se nga asnjëra palë nuk ka pasur gatishmëri deri më tash për zbatimin e të gjitha marrëveshjeve nga e kaluara.
“Kërkojmë nga Kosova që në tërësi dhe pa vonesa të tjera t’i zbatojë ato. Kjo përfshin edhe themelimin e Asociacionit të Komunave me Shumicë Serbe. Këshilli e mirëpret gatishmërinë e Kosovës dhe të Serbisë për ta pranuar draftin e paraqitur nga lehtësuesi i BE-së me kuptimin se punë e mëtejme duhet të bëhet në bazë të tij”, thuhej në tekstin e konkluzave.
Hapësirë e veçantë në konkluza u kushtua edhe situatës së sigurisë në Veri.
Në këtë kontekst Këshilli dënoi ashpër sulmet e dhunshme të protestuesve serbë të Kosovës ndaj trupave të KFOR-it, ndaj organeve të rendit dhe mediave në protestën e 29 majit të këtij viti.
Nga Kosova dhe Serbia u kërkua që të bëjnë përpjekje të qëndrueshme për de-përshkallëzimin, të përmbahen nga veprimet e njëanshme dhe provokuese që mund të çojnë në tensione dhe dhunë dhe të ndalojnë retorikën përçarëse.
Këshilli në konkluzat rikujtoi sërish se dështimi në de-përshkallëzim do të ketë pasoja duke konfirmuar gjithashtu gatishmëria e BE-së për të vendosur masa shtesë ndaj Serbisë dhe Kosovës, nëse kjo është e nevojshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke
-
Një vit nga sulmi në Banjë, Manastiri mbyllet nga 23 deri më 26 shtator
-
Posta apelon qytetarët të mos bien pre e mesazheve të dyshimta
-
Haradinaj në takim me Orav thekson nevojën që Kosova t’i kthehet kursit të integrimit euro-atlantik
Lajmet kryesore
-
Dumani me Prokurorin e Përgjithshëm të Zvicrës: Strategji kundër krimit të organizuar dhe korrupsionit
-
Dorëhiqet anëtarja e Gjykatës Kushtetuese, Elsa Toska
-
Mossad mashtroi dhe befasoi Hezbollahun duke hedhur në erë pagerët
-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke