“Boris Johnson po kopjon politikën e Tony Blair-it”

Kryeministri britanik, Boris Johnson, po synon të imitojë aspekte të politikës së Tony Blair.

Kjo me shpresën për të fituar sa më shumë votues në ish-zemrën e Partisë Laburiste.

Lajmi është bërë i ditur nga e përditshmja britanike “The Guardian”, e cila e ka zbuluar këtë nga burimet pranë kryeministrit.

Ndërsa në 2019-ën, deputetët e partisë së tij e modeluan veten në një “Margaret Thatcher”, lideri i tyre tashmë po studion qasjen e ish-kryeministrit Blair.

“Ne do të bëjmë atë që Blair nuk arriti të bënte për njerëzit që votuan për të”, thotë burimi.

Plani për investime në arsim, si dhe projektet e infrastrukturës janë në vëmendje të Johnson.

Përafrimet mes tyre

“Things Can Only Get Better”, kënga e fushatës së Tony Blair në 1997, ishte dhe motoja e kryeministrit britanik në luftën kundër pandemisë.

Sidoqoftë, ka pasur kritika nga partia e tij në lidhje me atë që shumë deputetë e perceptojnë si zhvendosje dhe pavendosmëri në kryeministri- dhe mungesë të politikave konkrete.

“Ju mund të shihni se si ‘ngritja lart’ mund të ketë qenë një frazë që Tony Blair, mund ta kishte përdorur, por unë mendoj se ndryshimi themelor është se, Blair ndoqi masa praktike dhe mund të gjykohet për arritjet e tyre”,  tha Anand Menon, profesor i politikës në Londër.

Si shembull ai vuri në dukje sloganin e Blair-i “i ashpër në krim, i ashpër në shkaqet e krimit” dhe masa të tilla si urdhra sjellje dhe dënime më të ashpra për shkelësit e rinj të vazhdueshëm.

Ashtu si Blair, i cili fitoi tre zgjedhje të përgjithshme për Laburistët, duke përfshirë përmbytjen e 1997-ës, Johnson është një figurë disi e paqartë në partinë e tij.

Premtimi për “ngritjen dhe bashkimin e vendit” ka qenë një mesazh qendror që kur qeveria aktuale e Mbretërisë së Bashkuar erdhi në pushtet në 2019-ën.

“Të ngrihesh” do të thotë të ulësh pabarazinë midis vendeve duke përmirësuar rezultatet në të gjitha vendet.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.