Boris Johnson dënon dhunën në Irlandën e Veriut

Kryeministri i Mbretërisë së Bashkuar, Boris Johnson, dënoi dhunën që ndodhi në  Irlandën e Veriut më 7 dhe 8 prill.

“Mënyra për të zgjidhur mosmarrëveshjet është përmes dialogut dhe jo përmes dhunës ose krimit,” shkroi në Twitter, kryeministri britanik, ndërsa shprehej tepër i shqetësuar.

I am deeply concerned by the scenes of violence in Northern Ireland, especially attacks on PSNI who are protecting the public and businesses, attacks on a bus driver and the assault of a journalist. The way to resolve differences is through dialogue, not violence or criminality.

— Boris Johnson (@BorisJohnson) April 7, 2021

Një grup të rinjsh në zonën e Belfast-it rrëmbyen dhe dogjën një autobus. Bëhet me dije se ata sulmuan edhe policinë me gurë. Ky sulm ndodhi pas një serie veprimesh të dhunshme që filluan në Irlandën e Veriut një javë më parë.

Incidentet shkaktuan më shumë se 50 të plagosur mes forcave të policisë. Tetë oficerë u plagosën. Gjatë kohës që ndodhën trazirat shumë oficerët të policisë u sulmuan. Bëhet me dije se u gjuajt edhe me molotov.

Dhuna vjen pas shqetësimeve që duket se janë gjithnjë e më shumë në rritje në  komunitetin pro-britanik, pas pengesave të reja tregtare midis Irlandës së Veriut dhe pjesës tjetër të Mbretërisë së Bashkuar (MB). Shqetësimet u rritën pas daljes së MB-së nga Bashkimi Evropian (BE).

Johnson shkruante në Twitter se ishte i shqetësuar për sulmin e ndodhur midis ndaj Shërbimit Policor të Irlandës së Veriut, shoferit të autobuzit si edhe ndaj një gazetari.

Kryeministrja e Irlandës së Veriut, Arlene Foster, reagoi në Twitter: “Kjo nuk është një protestë. Ky është një vandalizëm dhe vrasje në tentativë. Këto veprime nuk përfaqësojnë as unitet as  besnikëri. ”

This is not protest. This is vandalism and attempted murder. These actions do not represent unionism or loyalism. They are an embarrassment to Northern Ireland and only serve to take the focus off the real law breakers in Sinn Fein.
My thoughts are with the bus driver. https://t.co/2JRcOb6s8C

— Arlene Foster DBE PC #ProudofNI. (@ArleneFosterUK) April 7, 2021

Qeveria lokale e Irlandës së Veriut, e përbërë nga unionistët dhe republikanët, dënoi gjithashtu dhunën.

“Shkatërrimi, dhuna dhe kërcënimet e dhunës janë plotësisht të papranueshme dhe të pajustifikueshme, pavarësisht nga shqetësimet ekzistuese në komunitete”, deklaruan udhëheqësit e provincës britanike në një deklaratë të përbashkët, duke thënë se ata ishin “thellësisht të shqetësuar” nga incidentet që ndodhën.

Këto incidente ngrenë spektrin e “problemeve”, si edhe të përplasjeve të përgjakshme midis republikanëve dhe unionistëve në tre dekada.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.