Shqipëria

Bordi rrit sërish çmimin e naftës


Bordi i Transparencës ka rritur sërish çmimin e naftës.

Duke filluar nga dita e sotme e 25 janarit, ajo do të tregtohet me 210 lekë për litër – rritur me dy lekë pasi shitej me 208 lekë.

Benzina do tregtohet jo më shumë se 192 lekë/litri, kurse gazi do shitet  69 lekë/litri me pakicë.

Konkretisht çmimet e vendosura janë:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 210 lekë/litri, ndërsa i shitjes me shumicë jo më shumë se 198 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 192 lekë/litri, ndërsa i shitjes me shumicë jo më shumë se 180 lekë/litër.

Çmimi i shitjes me pakicë i nënproduktit gaz, të jetë 69 lekë/litri me pakicë dhe i shitjes me shumicë 57 lekë/litër për automjetet.

Çmimi i gazoilit për peshkim është vendosur 116 lekë/litër.

Çmimet e caktuara nga Bordi do të hynë në fuqi në orën 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

/Albanianpost.com

Lajmet kryesore