Blac Chyna po shet rroba dhe këpucë për të përballuar jetesën mes betejës për kujdestarinë e të birit

Ish-partnertja e Rob Kardashian, Blac Chyna, dyshohet se po përpiqet të përballojë jetesën duke “shitur rrobat, çantat dhe këpucët e saj”.

Ish-modelja dhe ylli i realitetit televiziv, e cili u bë e famshme pasi u shfaq në video klipin e Nicki Minaj “Monster” bashkë me Kanye West në vitin 2010, thuhet se po shet rrobat e saj dhe gjërat e tjera me vlerë në mënyrë që të mund të përballojë luftën e seancave gjyqësore me ish-partnerin, rep artistin, Tyga.

Sipas dokumenteve ligjore, Chyna, e cila tani mban emrin e saj të vërtetë Angela White, zbuloi se ajo u ka shitur gjërat e saj miqve dhe familjes për të përballuar jetesën.

Deri më tani, ajo ka sjellë mbi 178 mijë dollarë, të cilat ajo pretendon se kanë plotësuar “shitjet e saj në rënie të biznesit”.

Në fillim të këtij viti, Angela nënshkroi një marrëveshje biznesi me kompaninë globale të veshjeve “Ethika”, për të cilën ajo krijon veshje me firmë që variojnë nga moda e fitnesit deri te të brendshmet.

Ajo hapi më parë një sallon bukurie në Los Angeles të quajtur “Lashed by Blac Chyna”, të cilin më vonë e zgjeroi në shitjen e rrobave të banjës si dhe një linjë kozmetike.

Megjithatë, sipërmarrjet e saj të dështuara të biznesit duket se nuk janë në gjendje të mbulojnë kostot ligjore vazhdimisht në rritje në betejën e saj për kujdestarinë mbi djalin 10-vjeçar, King Cairo.

Në dokumentet e siguruara, Angela pretendon se Tyga, i cili më parë kishte lidhje me Kylie Jenner, ka “ndërhyrë” në kohën e kufizuar që ka me djalin e saj, e cila është vetëm 24 orë në javë.

Ajo shtoi se rep artisti “refuzon të komunikojë drejtpërdrejt” me të ose të japë një adresë se ku jeton djali i tyre.

Ajo gjithashtu pretendon se Tyga po “mban informacione të rëndësishme” në lidhje me shëndetin, sigurinë dhe mirëqenien e djalit, duke përfshirë vendin ku ai shkon në shkollë dhe shënimet e çdo recete që mund të marrë.

Dokumentet pretendojnë se Angela po kërkon urdhra gjyqësore për të krijuar një orar të qëndrueshëm dhe të rregullt me Cairon që Tyga nuk mund ta pengojë, si dhe kërkon një faturë prej 125 mijë dollarësh për të mbuluar tarifat e saj ligjore.

Në maj të vitit të kaluar, Angela humbi betejën e saj ligjore kundër familjes Kardashian pasi i çoi ata në gjykatë për shpifje dhe akuza të tjera.

Ajo ngriti një padi prej 100 milionë dollarësh kundër familjes pasi pretendoi se grupi ishte përgjegjës për anulimin e shfaqjes së saj “Rob & Chyna”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.