Një 35-vjeçar në Bjellorusi i vuri flakën vetes jashtë selisë qeveritare në Minsk.
“Ai u shtrua në spital pasi kalimtarët dhe policia shuan flakët me një zjarrfikëse”, tha policia në deklaratën për mediat.
Fotot e tij po qarkullojnë në të gjithë internetin. Ai shihet i shtrirë në shesh dhe i mbuluar nga flakët.
“Motivet e veprimit të tij nuk janë të qarta por hetuesit po punojnë për të zbardhur çështjen”, tha Komiteti Bjellorus Hetimor.
Bjellorusia është tronditur nga protesta që nga zgjedhjet presidenciale vitin e kaluar.
Opozita thotë se zgjedhjet ishin manipuluar në favor të presidentit në detyrë, Alexander Lukashenko. Ai mohon akuzat për manipulim të votave.
Më shumë se 30 mijë protestues janë arrestuar në demonstratat e opozitës. Lukashenko, i cili ka qenë në pushtet që nga viti 1994, muajin e kaluar tha se vendi do të mbajë një referendum mbi reformat kushtetuese. Ai nuk specifikoi kohën e sondazheve.
Kundërshtarët politikë të Lukashenkos, shumica e të cilëve janë burgosur ose kanë ikur nga vendi, kanë hedhur poshtë propozimet e reformës. Ata mendojnë se kjo është një taktikë për ta ndihmuar atë të largojë protestat dhe krizën më të gjerë politike.
Mashtrimi i pretenduar i votave ka nxitur Shtetet e Bashkuara dhe Bashkimin Evropian të vendosin sanksione kundër zyrtarëve të vendit./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Jo më qendra emigrantësh në Shqipëri, Rama: Marrëveshja është ekskluzive për Italinë
-
Akuzohen për vjedhje, AMP ekzekuton masat e sigurisë për 22 punonjës policie në Kukës
-
Çfarë nënkupton zgjedhja e Marta Kos si Komisionere e Zgjerimit?
-
Kurti për doganierin e EULEX-it të vrarë në Veri: U qëllua me gjakftohtësi