![](https://albanianpost.com/wp-content/uploads/2023/09/knhujbp.png)
Prej zhlverësimit të euros në tregun shqiptar këtë vit, eksportuesit kanë humbur 34.8 milionë euro.
Të paktën kështu rezulton nga një studim i kryer nga Zyra e Unifikuar e Bizneseve Eksporteve.
Referuar analizës së tyre, humbjet e shkaktuara nga ndryshimet në kursin e këmbimit, kanë prodhuar edhe pasoja të tjera negative socio-ekonomike.
Ato përfshijnë uljen e konsumit, investimeve dhe numrit të punonjësve.
Në kategorinë e bizneseve eksportuese, del se sektorët me humbjen më të lartë këtë vit janë ai i veshjeve dhe këpucëve, që zhvillojnë aktivetitin në vend me një fuqi punëtore prej 200 mijë vetash.
Sakaq, studimi merr në analizë edhe pagat minimale që janë rritur vitin e kaluar.
Bizneset fasone e kanë gjithnjë edhe më të vështirë të mbajnë në punë numrin e madh të punonjësve.
Ndërkohë, studimi rekomandon marrjen e disa masave nga Banka e Shqipërisë dhe institucionet e tjera shtetërore.
Masa këto, duke nisur nga skemat në mbështetje të eksportuesve deri te ndërhyrjet e BSH-së që mund të zbatojë një politikë të përshtatshme të kursit të këmbimit për të ruajtur një vlerë konkurruese të monedhës.
Shoqatat e eksportit më herët u mblodhën për të përcjellë këto shqetësime, duke kërkuar që autoritetet të kenë fuqi vepruese në kursin e këmbimit.
Po ashtu edhe paketa konkrete ndihme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Aksionet bien në SHBA dhe Azi teksa investitorët i shesin në kompanitë e teknologjisë
-
Markat luksoze vuajnë teksa blerësit kinezë frenohen
-
Sekuestrohen 120 milionë euro nga Amazon Italia Transport për mashtrim tatimor
-
Miliarderi korean themelues i Kakao arrestohet për manipulimin e supozuar të aksioneve