Zëvendëskryeministri i Parë për Integrim Evropian, Zhvillim dhe Dialog Besnik Bislimi, është takuar me eurodeputetët nga Parlamenti Evropian, Thijs Reuten dhe Ladislav Ilcic, nga të cilët ka kërkuar largimin e masave sanksionuese të Bashkimit Evropian.
Takimi është bërë i ditur përmes një komunikate dërguar mediave.
“U ngritën dhe çështje që ndërlidhen me fusha si energjia, shëndetësia, arsimi. U adresuan dhe masat ndëshkuese ndaj Kosovës, ku zëvendëskryeministri ritheksoi se ato janë të padrejta dhe duhet të hiqen sa më parë”, thuhet në komunikatë.
Ndërsa, është thënë se Bislimi ka pranuar nga eurodeputeti Reuten penën me të cilën u nënshkrua me 19 prill të vitit të kaluar, vendimi final për procesin e liberalizimit të vizave.
“Gjatë takimit, u bisedua mbi rrugëtimin e Kosovës drejt integrimit në Bashkimin Evropian, ku zëvendëskryeministri përmendi aplikimin e Kosovës për anëtarësim në BE dhe nevojën për ecjen tutje në këtë proces, angazhimin e vendit sa i përket Planit të Rritjes dhe punës për reformat indikative, por edhe performancën e vendit përmes indikatorëve ekonomikë”.
Eurodeputetët Reuten dhe Ilcic nënvizuan se Parlamenti Evropian e mbështet Kosovën në objektivin e qëllimin e saj në rrugëtimin integrues drejt Bashkimit Evropian.
“Duke theksuar dhe mirënjohjen për qëndrimin parimor e mbështetjen ndaj qasjes evropiane kundrejt agresionit të pajustifikuar rus në Ukrainë”.
Më 4 korrik, Kosova është sanksionuar nga Bashkimi Evropian për shkak të situatës së tensionuar në Veri.
Masat që u paralajmëruan për Kosovën, përveç se nga institucionet u konsideruan si “tejet të padrejta”, për profesorët e çështjeve ndërkombëtare janë edhe “jashtëzakonisht të dëmshme”, pavarësisht nëse do të jenë për një periudhë të shkurtër apo afatgjate.
Nga sanksionet të cilat vijnë ndaj Kosovës për shkak të mospërfilljes së kërkesave për shtensionimin e situatës në Veri, njëra ndër më të rëndat rezulton të jetë “shqyrtimi i propozimeve të paraqitura nga Kosova në kuadër të Kornizës së Investimeve të Ballkanit Perëndimor (ËBIF)”.
Kornizë kjo e cila përmban investime në fushën e transportit, energjisë, mjedisit, kapitalit njerëzorë dhe bujqësisë.
Përmes këtij procesi bashkohen përfituesit donatorët dhe huamarrësit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Amnistia penale është atentat kundër reformës në drejtësi, thotë Basha
-
Nga lufta ndaj krimit te pavarësia e prokurorëve, qeveria shpalos 4 rekomandime për SPAK dhe Prokurorinë
-
Haradinaj: Sunduesve i pengon liria e shprehjes, liria e mediave
-
Kosova bie për 19 pozita në lirinë e medias, Rohde: Alarmante, mediat s’duhet të kontrollohen
Lajmet kryesore
-
Kosova shënon regres për 19 vende në indeksin e “Reporterëve pa Kufij” – gazetarët vazhdojnë të jenë cak i sulmeve politike
-
“Reporterët Pa Kufij”: Liria e shtypit në Shqipëri po kërcënohet nga politika
-
Një darkë në Elysee për të bindur Scholz-in për Kinën
-
Nga lufta ndaj krimit te pavarësia e prokurorëve, qeveria shpalos 4 rekomandime për SPAK dhe Prokurorinë