![](https://albanianpost.com/wp-content/uploads/2023/04/1200x-1-32.jpg)
Bashkëthemeluesi dhe filantropisti i Microsoft-it, Bill Gates, ka thënë se një ndalim në zhvillimin e inteligjencës artificiale (AI), e kërkuar nga pronari i Twitter, Elon Musk dhe më shumë se 1 mijë ekspertë, nuk është një zgjidhje për sfidat e paraqitura nga kjo teknologji.
Në një intervistë për agjencinë “Reuters”, ai deklaroi se nuk është e qartë se si do të funksiononte një pauzë në zhvillimin e AI në nivel global dhe sugjeroi që potenciali i inteligjencës artificiale duhet të përdoret në mënyrën më të mirë të mundshme.
“AI sjell përfitime të mëdha, kjo është e qartë, dhe ne duhet të identifikojmë fushat e zhvillimit të inteligjencës artificiale që mund të jenë problematike. Nuk e kuptoj se kush mund të ndalojë zhvillimin e AI. A do të pajtohej çdo vend për një ndërprerje të tillë?”, u shpreh Gates, duke shtuar se ka mendime shumë të ndryshme për këtë temë.
Reuters raportoi se ishte komenti i parë publik i Gates për një letër të hapur nga Musk dhe një grup ekspertësh të AI dhe drejtuesve të industrisë, të cilët kërkuan të paktën një pauzë gjashtëmujore në zhvillimin e AI.
Nënshkruesit e letrës së hapur, të publikuar nga Instituti jofitimprurës “Future of Life”, kërkojnë një moratorium për zhvillimin e AI derisa të arrihen protokollet e përbashkëta të sigurisë për arritje të tilla, raporton agjencia britanike.
“Sistemet e fuqishme të inteligjencës artificiale duhet të zhvillohen vetëm kur jemi të bindur se efektet e tyre do të jenë pozitive dhe kur mund të menaxhojmë rreziqet që ato përmbajnë”, thuhet në letër.
Musk dhe ekspertët “njëzëri”: Ndalni inteligjencën artificiale
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Në vitin 2023 janë anuluar 73 procedura të prokurimit publik, sipas Myzyrit
-
UNESCO miraton vendimet për Butrintin, Gjirokastrën dhe Beratin
-
Statuja e Christopher Columbus në Washington u vandalizua në protestën pro Gazës
-
Gjermania porosi Kosovës dhe Serbisë: Stop politikës ‘ma bëre, ta bëra’ që vendosë pengesa të reja në rrugën drejt normalizimit
Lajmet kryesore
-
UNESCO miraton vendimet për Butrintin, Gjirokastrën dhe Beratin
-
Redaktori i RTK-së tregon për terrorin që përjetoi deri në publikimin e artikullit skandaloz kundër mediave në Kosovë
-
Netanyahu takohet me Biden në Shtëpinë e Bardhë
-
Gjermania porosi Kosovës dhe Serbisë: Stop politikës ‘ma bëre, ta bëra’ që vendosë pengesa të reja në rrugën drejt normalizimit