Në përkrahje të marshit për drejtësi në mbështetje të ish-krerëve të UÇK-së, të ftuar nga iniciativa “Liria Ka Emër” është deklaruar edhe Bashkësia Islame e Kosovës.
BIK përmes një shkrimi në llogarinë zyrtare në Facebook është shprehur se beson fuqishëm në pastërtinë e luftës së drejtë të UÇK-së dhe vlerëson lart sakrificën e ushtarëve të UÇK-së për lirinë e vendit, si një nga vlerat më të larta e të shenjta të popullit tonë.
Me këtë rast, BIK i fton dhe bën apel te të gjithë besimtarët që në shenjë respekti e vlerësimi për sakrificën sublime të UÇK-së, dhe për hir të të gjithë atyre dëshmorëve që dhanë jetën për liri, të marshojmë të gjithë së bashku për drejtësi për ish-krerët e UÇK-së, në mënyrë që t’i dalim zot vlerave tona të shenjta.
“Bashkësia Islame e Kosovës, nesër, në hytben e xhumasë, në të gjitha xhamitë e Kosovës do t’u bëjë thirrje besimtarëve t’i bashkohen marshit për drejtësi. Zoti e bekoftë Kosovën”, thuhet në njoftim.
Të dielën e 2 prillit në Prishtinë, platforma “Liria ka emër”, ka organizuar marsh qytetar dhe solidarizues në mbështetje të luftës së UÇK-së dhe ish-krerëve të saj, Hashim Thaçi, Kadri Veseli, Jakup Krasniqi, Rexhep Selimi e bashkëluftëtarët e tyre në Hagë.
Marshi do të niset nga sheshi “Zahir Pajaziti” dhe do të vazhdojë në drejtim të sheshit “Skënderbeu”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“CdM” zbardh “detaje” nga takimi Scholz-Spajiç: Kosova në Këshill të Evropës kur të ndërmarrë hapa drejt Asociacionit
-
AfD gjermane e paprezantueshme. Le Pen dëshiron të shikojë Melonin
-
Axios: Biden bllokoi dërgesën e municioneve në Izrael
-
Travel of Path: Shqipëria, destinacioni me rritjen më të shpejtë në Evropë